30. janvarī 18.00 Rēzeknis Nacionalūs bīdreibu kulturys nomā “Joriks” nūtiks grupys “Dvinskas muzikanti” debeja albuma “Dzymtuo puse” prezentacejis koncerts.

Goda izskaņā muzykalajam projektam “Dvinskas muzikanti” tyka izdūts albums ar tituldzīsmis nūsaukumu – “Dzymtuo puse”, i janvara beiguos Rēzeknē nūtiks vierīneigs vīneigais albuma prezentacejis pasuokums, kurymā publikai tiks atruodeitys tuo dzīsmis: “Dzymtuo puse”, “Hej, bruoļ latgalīt” i cytys da šam nadzierdātys dzīsmis, kai ari solista Jura Ostrovska autordzīsmis, kai “Daugaveņa” i “Latgaleite” nu projekta “Patrioti.lg”.

Skateituojus prīcynuos ari Piļskaļnis videjuos paaudzis deju kolektivs ar kruošņajim deju prīšknasumim, nu tuo eipašī gosti byus ansamblis “Dobeles zemessargi” ar zalta hitim, kai “Ugunskurs”, “Māte Latvija”, “Esmu Latvietis” i cytim. Ar humoru i naatkuortojamom pozitivom emocejom pasuokumu vadeis rodūšuo apvīneiba “Termoss”.

Piec koncerta byus ari vareiba īsaguoduot jaunū albumu.

Beleti jau ir nūpierkami kulturys noma “Joriks” i Latgolys viestnīceibys GORS kasēs Rēzeknē, kai ari vysuos cytuos “Biļešu paradīzes” kasēs i škārsteiklā. Cena: suocūt nu 5 eiro.