15. novembrī 15.00 Daugovpiļs nūvoda Vabalis pogosta Skryndu dzymtys muzejā nūtiks gruomotys “Viensētu koka arhitektūras savdabība Dienvidlatgalē” attaiseišonys svātki, informej muzeja direktore Anna Lazdāne.

Latgolys lauku ainova nav īdūmojama bez vīnsātu i tūs dzeivisstuostu. Sātys sajiutu rodom mes kotrys ar sovu dorbu i apleicamuos dzeivis telpu. Daudzus nu myusu bīži viņ dzeive aizvad tuoli nu sovys sātys, nu dorbūs i dūmuos mes bīži viņ asam kūpā ar sovom sātom.

Skryndu dzymtys muzejs, suocūt ar 2010. godu, Vaļsts kulturkapitala fonda i Latgolys kulturys programys projektu konkursūs vairuokys reizis ir sajiems finaņsiejumu vairuoku ar Latgolys ainovys vīnsātu pietnīceibu i dokumentiešonu saisteitu projektu eistynuošanai. Padareitī pietejumi ir pamats gruomotys “Viensētu koka arhitektūras savdabība Dienvidlatgalē” izdūšonai.

Gruomotā apkūpuota na tik informaceja par Latgolai rakstureiguokajom kūka arhitekturys “pērlem”, nu tamā varēs ari puorskaiteit patīsus viesturiskus stuostus par dzymtu viesturi, sātom i tradicejom. Itūs stuostus ir  rakstejuši poši sātu saiminīki.

Gruomotys attaiseišonys svātku pasuokumā byus vareiba īsaklauseit dzymtys sātu viesturiskajūs stuostūs, sasatikt ar rokstu autorim i apsavērt izstuodis: “Lauku sētu priekšmetu stāsti” i muokslineicys Ingridys Kokinys (Leiksnys pog.) zeimiejumus par temu “Mandalas”.