Izdūts rokstu kruojums “Ebreju Rēzekne”

Izdūts rokstu kruojums “Ebreju Rēzekne”

12. aprelī 17.00 Žaņa Lipkis memorialā i 13. aprelī 14.00 Rēzeknis Zaļajā sinagogā tiks atkluots rokstu kruojums “Ebreju Rēzekne”, informej projekta vadeituoja Ineta Zelča-Sīmansone.

Rēzeknis ebreju viesture da šam pieteita moz. Rēzeknis Zaļuos sinagogys restauracejis projekts kolpuoja par impulsu temai pīsavērst ar leluoku vierīni i īsaisteitūs pietnīku skaita, i temys atkluojuma ziņā.

Rokstu kruojumu veidoj div simboliskā nūzeimē leidzvierteigys dalis.

Pyrmajā atspīgeļuota Rēzeknis Zaļuos sinagogys atjaunuošona arhitektu, dizaineru i satura veiduotuoju redzīnī. Ūtrū daļu veidoj 12 akademiski pietejumi par Rēzeknis i Latgolys ebreju viesturis temu.

Div godus ilgušais projekts – Rēzeknis Zaļuos sinagogys ekspoziceja, konfereņce “Ebreju Rēzekne”, pietejumi – ir veiksmeigai nūsasliedzs, i interesentim ir daīmams pyrmais Rēzeknis ebreju viesturis i socialuos atminis pietnīceibai veļteitais rokstu kruojums “Ebreju Rēzekne”.

Rokstu kruojums ir stuosts par ebreju Rēzekni – cylvākim, tradicejom, viesturi i kulturys montuojumu.

Rokstu kruojuma izdeviejs: dūmneica “Creative Museum”.

Autori: Dr. hist. Kaspars Zellis, Dr. hist. Inese Runce, Dr. sc. comm. Didzis Bērziņš, Dr. phil. Solveiga Krūmiņa-Koņkova, Dr. art. Nadežda Pazuhina, Dr. art. Baiba Vanaga, Dr. philol. Olga Senkāne, Kaspars Strods, Karina Barkāne, Marina Gehta, Svetlana Amosova, Zane Balčus, Ingūna Elere, Artūrs Lapiņš, Ineta Zelča-Sīmansone.

Zynuotniskais redaktors: Dr. hist. Uldis Neiburgs.

Korektore: Baiba Vanaga.

Grafiskais dizains: Edvards Percevs.

Rokstu kruojums radeits ar Frīdriha Eberta fonda, Vaļsts Kulturkapitala fonda i Rēzeknis piļsātys dūmis atbolstu.

Print Friendly, PDF & Email

Komentari

  1. Armands Kociņš Kūceņš

    Vuords “dūmneica” itymā rokstā lītuots nalatgaliskā nūzeimē. Latgalim irā tautys pīruna: “Dīvs guodnīks, Laima dūmneica”. Tys zeimoj, ka latgaliski “dūmneica” zeimoj “domātāja”. Vēļ latgaliski “dūmneica” varātu byut “dūmis deputate” (saime-saimineica, vierseiba-viersineica, daleiba-dalineica, dūme-dūmneica).

    Sevkurā gadīnī latgaļu “dūmneica” zeimoj VĪNU PERSONU. A čyuļu “domnīca” – taišni ūtraiži – zeimoj personu GRUPU. Taitod vajadzeigs cyts, lobuoks latgaliskys vuords sapratīņam “think tank” apzeimuot.

  2. Armands Kociņš Kūceņš

    EN think tank – LV domnīca – LTG guoduotova

  3. Armands Kociņš Kūceņš

    EN think tank – LV domnīca – LTG dūmuotova

Kalenders

May
29
Tre
18:00 “Pauls un Keišs. Vīrieši labākos... @ Muzykys noms "Daile"
“Pauls un Keišs. Vīrieši labākos... @ Muzykys noms "Daile"
May 29 @ 18:00 – 20:00
Latvīšu estradē, latvīšu teatrūs i Latvejis politiskajā dzeivē ir daudz veirīšu lobuokūs godūs. Iz skotivis byus diveji – vīns nu estradis i džeza, ūtrys nu teatra i kinys pasauļa. Tok – kotrys nu prīšknasumu var[...]
19:00 Grupys “Saucējas” koncerts i daņ... @ Reiga
Grupys “Saucējas” koncerts i daņ... @ Reiga
May 29 @ 19:00 – 21:00
Latvejis Kulturys akademejis tradicionaluos dzīduošonys grupa “Saucējas” trešdiņ, 29. majā, 19.00 aicynoj is koncertu Āgenskolā Pāvula Jurjāna muzykys školys estradē, Bolūžu īlā 24. 
May
30
Cat
13:00 Daugovpiļs piļsātys svātki @ Daugovpiļs
Daugovpiļs piļsātys svātki @ Daugovpiļs
May 30 @ 13:00 – Jun 2 @ 19:00
Nu 31. maja da 2. juņa Daugovpiļs piļsāta svieteis sovu 749. dzimšonys dīnu, aicynojūt daugovpilīšus i gostus iz kūpeigom svineibom – piļsātys svātkim „Mana pils – Daugavpils!”. Treis dīnu garumā byus vareiba baudeit vysaidys koncertprogramys,[...]