“Kolnasātā” saruna ar kinologi i stuosts par “Latgolys Muorys” dzimšonu
11. novembrī, Luočplieša dīnā, pīmiņ Latvejis Naatkareibys karā krytušūs karaveirus. Naskaitomys pīminis vītys gūdynoj Latvejis naatkareibys ceineituojus. Latgolā zynomuokuo ir pīmineklis “Vienoti Latvijai” Rēzeknē, tautā saukts par “Latgolys Muoru”. Na mozuok svareigs ir Latgolys partizanu pulka krytušajim karaveirim uzcaltais pīmineklis Bolvūs, tū vītejī īsaukušs par “Stanislavu”. Itūs obeju pīminekļu topšonys i atjaunuošonys stuosts saisteits ar tielnīku Jansonu dzymtu. Vineta Vilcāne devēs iz Ciesim, iz “Siļķu” sātu da tielnīka Matiasa Jansona, kurs saimnīkoj sova vactāva darbneicā, tamā teju pyrma 80 godim dzyma “Latgolys Muora”.
Laura Sondore-Strode iz sarunu aicynuojuse kinologi Rutu Meiri, jei kūpā ar četrkuojainū puorinīku patrulej iz Latvejis rūbeža i ker kotrabandistus i nalegalūs rūbeža škārsuotuojus.
“Vuordineicā” literaturzynuotnīks Valentins Lukaševičs i muzikis Arņs Slobožanins runoj par vuordu “zediņs”.
