Dzejnīks, rakstnīks, folklorists, nūvodpietnīks i muokslinīks Ontons Slišāns ir zīmys saulgrīžu bārns, dzims 28. decembrī, bet vuordadīnu svieteja 18. janvarī. Itys laiks Ontonam beja rodūšais laiks, kod jis sovu aktivū darbeibu veļteja Zīmeļlatgolai. Latgolys školāni teik aicynuoti sajust Ontona Slišāna goru, pīsadolūt rodūšūs dorbu konkursā.

Konkursa, kuru organizej Upeitis pamatškola sadarbeibā ar Namaterialuos kulturys montuojuma centru “Upīte”, mierkis ir aplīcynuot pīdareibu i mīleisteibu sovam dzymtajam nūvodam i styprynuot latgaliskū kulturideņtitati. Tymā aicynuoti pīsadaleit vysi Latgolys nūvoda školu školāni. 

Konkursa aizdavumi:
1. Rodūšais dorbs (eseja, miniatura i tt.; dorbu var raksteit gon latvīšu, gon latgalīšu rokstu volūduos) “Man nav nikuo svarīguoka, kai muna tāvaine, muna volūda i saime” /O. Slišāns/

Viertiešona byus pa vacuma grupom:
a. 1.–4. klase dorbu var īsnēgt rūkrokstā, dorba lelums 1 A4 formata lopa;
b. 5.–7. klase dorbu īsnādz datorrokstā, dorba lelums 1–2 A4 formata lopas;
c. 8.–12. klase dorbu īsnādz datorrokstā, dorba lelums 2–3 A4 formata lopas.

2. Zeimiejumu konkurss “Man nav nikuo svarīguoka, kai muna tāvaine, muna volūda i saime” /O. Slišāns/
Zeimiejumu formats A3 lopa, tehnika piec izvielis.
Dorbūs var paruodeit sova nūvoda dobu, cylvākus, saimi, tradicejas.

Viertiešona byus pa vacuma grupom:
a. pyrmškola (4–6 godi)
b. 1.–3. klase
c. 4.–6. klase
d. 7.–9. klase
e. 10.–12. klase

Viertiešonys kritereji:
– atbiļsteiba temai,
– atbiļsteiba nūlykuma praseibom,
– kompoziceja,
– dorba izpiļdejuma kvalitate,
– originalitate.

Kotrys školāns var pīsadaleit obejūs konkursūs voi tikai rodūšūs dorbu konkursā voi zeimiejumu konkursā.
Kotrys školāns var īsnēgt naīrūbežuotu skaitu sovu dorbu.
Kotrā vacumpūsmā tiks nūteikta 1.–3. vīta, kuo ari tiks pīškiertas sponsoru simpateju bolvas.

Dorbi juoīsnādz leidz 2018. goda 10. janvaram vīnā nu sev ārtuokūs veidu:
1. Upītes pamatškolā kotru dorba dīnu nu 9.00–16.00 školuotuojai Sandrai Bukšai;
2. Syutūt pa postu: “Rodūšūs dorbu konkursam” Upītes pamatškola, Stabļovas īla 1, Upīte, Škilbanu
pogosts, Viļakas nūvods, LV-4587;
3. Rodūšū darbu var ari īsnēgt, syutūt iz e-postu: upites.skola@inbox.lv

Dorbam juodalīk: školāna vuords, pavuorde, vacums, klase, vuiceibu īstuode, školuotuoja vuords, pavuorde, kontakttelepons, e-posts.

Nūslāguma pasuokums i uzvarātuoju apbolvuošona byus 2018. gada 18. janvarī Upeitē.

Naskaidreibu gadejumā zvaneit: Sandrai Bukšai 26307566