“Dabasu durovu” jaunuokuo dzīsme par entuziasma, mīlesteibys i sajiusmys pagaisšonu

“Dabasu durovu” jaunuokuo dzīsme par entuziasma, mīlesteibys i sajiusmys pagaisšonu

Grupa “Dabasu durovys” klauseituoju viertiejumam nūdavuse jaunuokū dzīsmi “Ūglis”. Tei viestej par suokūtniejuo entuziasma, mīlesteibys i sajiusmys pagaisšonu, kuru var nūvāruot teju vysuos dzeivis jūmuos. Kod nu dzierkstelem palīk ūglis, tys ir tikai poša cylvāka ziņā, turpynuot uzturēt guni ci suokt vysu nu jauna, tai par dzīsmi grupa.

Grupys leiders Arņs Slobožanins par dzīsmi soka:”Beja izaicynuojums i reizē cīši interesanti otkol saīt kūpā i kūpā radeit lobys emocejis. Vysu itū laiku piec īprīkšejuos albuma “Pādys runoj” izīšonys dorbuojemēs “saudzeigajā režimā”, spēlējem koncertus, bet radūši bejom apsastuojušs. Beja juopajam nalela pauze, kurys laikā realizieju dažaidus cytus muzykalus projektus. Nūteikti juopīmiņ muzykys leidzautors basgitarists Zura Ivanāns, kurs motivēje myus radeit i īraksteit itū dzīsmi.”

Dzīsmis muzykys autori ir Arņs Slobožanins i Zura Ivanāns, vuordu autors Arņs Slobožanins, dzīsmis aranžiejumu veice Zura Ivanāns i grupa “Dabasu durovys”. Īroksts veikts grupys bundzinīka Aleksandra Tamana sātys studejā. Video filmēje i montēje Aivars Bulis, piecapstruodi veice Ivars Utināns.

Print Friendly, PDF & Email

Kalenders

May
30
Cat
13:00 Daugovpiļs piļsātys svātki @ Daugovpiļs
Daugovpiļs piļsātys svātki @ Daugovpiļs
May 30 @ 13:00 – Jun 2 @ 19:00
Nu 31. maja da 2. juņa Daugovpiļs piļsāta svieteis sovu 749. dzimšonys dīnu, aicynojūt daugovpilīšus i gostus iz kūpeigom svineibom – piļsātys svātkim „Mana pils – Daugavpils!”. Treis dīnu garumā byus vareiba baudeit vysaidys koncertprogramys,[...]