Pīškierts finansiejums Latgolys bazneicu atjaunuošonai

Pīškierts finansiejums Latgolys bazneicu atjaunuošonai

Vairuokom Latgolys bazneicom sakraluo montuojuma finansiešonys programys 2018. godam ītvorūs pīškierts finansiejums, paradzūt dīvnomu konservaceju, restrauraceju i atjaunuošonu, kai ari izpieti i restauracejis dokumentacejis sagataveišonu. Kūpumā programā finansiejums 1 miļjona eiro apmārā pīškierts 28 Latvejis bazneicom.

Leluokais finansiejums 100 000 eiro apmārā pīškierts Leiksnys katuoļu bazneicys jumta atjaunuošonai. 3 000 eiro izlītuos Daugovpiļs Sv. Borisa i Gleba pareizticeigūs bazneicys fasažu kruosuojuma izpētei i atjaunuošonys metodikys izstruodei. 11 500 eiro pīškierti Kruoslovys katuoļu bazneicys kruosns restauracejai. Par 33 900 eiro veiks Landskornys katuoļu bazneicys zīmeļu fasadis i parapeta gluobšonys dorbus. Nagļu katuoļu bazneicys jumta remontam pīškierti 15 000 eiro, Rikavys katuoļu bazneicys fasadis remonta dorbus veiks par 5 000 eiro, Viļakys katuoļu bazneicys vitražys restrauracejai pīškierti 16 000 eiro, sovpus Vīksnys pareizticeigūs bazneicys atjaunuošonys projekta dokumentacejis izstruodei – 4 000 eiro.

2017. godā pījēme Sakraluo montuojuma saglobuošonys finansiešonys lykumu ar mierki nūdrūsynuot vaļsts aizsorgojamūs kulturys pīminekļu statusā asūšu kulta celtņu, tymā skaitā Latvejis dīvnomu, i religiskūs ritualu prīkšmatu, kai nacionali nūzeimeigys kulturys montuojuma dalis saglobuošonu nuokušajom paaudzem. Sakraluo montuojuma saglobuošonys programā sajimtūs dasacejumus izvērtēje Vaļsts kulturys pīminekļu aizsardzeibys inspekcejis eksperti i sagataveja programu, par kuru diskutēje i apstyprynuoje Sakraluo montuojuma padūmē.

Karteite: Viļakys bazneica, portals lakuga.lv

Print Friendly, PDF & Email

Nūtikšonu kalendars

May
20
Pīk
19:00 Artura Skuteļa lelkoncerts “Jā” @ koncertzale "Palladium"
Artura Skuteļa lelkoncerts “Jā” @ koncertzale "Palladium"
May 20 @ 19:00 – 22:00
20. majā Reigā, koncertzalē “Palladium” nūtiks latvīšu hip-hopa muzika Artura Skuteļa lelkoncerts i jaunuo albuma “Jā” prezentaceja. Kai lelkoncerta eipašuo gaška ar sovu soloprogramu iz skotuvis kuops ari latgalīšu repere Ūga, kuruos 2020. godā izdūtais[...]