Meklejam žurnalista, dasavīnoj myusu komandai!

Meklejam žurnalista, dasavīnoj myusu komandai!

Roksta autors: portals lakuga.lv

“Latgalīšu kulturys ziņu portals lakuga.lv” iz projekta eistynuošonys laiku aicynoj sovai komandai dasavīnuot latgaliski rokstūšu žurnalistu.

Mes nu teve sagaidom:

Iņteresi par latgalīšu volūdu i Latgolys kulturys procesim, grybu veiduot Latgolys tālu Latvejā i pasaulī;
Latgalīšu rokstu volūdys zynuošonys i gribiešonu tuos padzilinuot (nasasatrauc, raksteitajā var byut klaidys, tovus tekstus puorbaudeis profesionals korektors);
Pīredzi dorbā ar tekstu sagataveišonu (vari byut ari bez pīredzis žurnalistikā);
Izpratni par medeja dorbu;
Analitiskū i logiskū dūmuošonu, spieju sovus dūmys formulēt runā i rokstūs;
Atbiļdeibys sajiutu i spieju struoduot komandā, patstuoveigi planavuot sovu dorbu;
Stresa nūtureibu i žurnalista etikys īvāruošonu;
Īspieju vysmoz 3-4 reizis mienesī byut iz vītys Latgolā (sovus pīnuokumus pamatā variesi veikt ari uorpus Latgolys);
Augstuokū izgleiteibu (vari byut students).

Tovi pīnuokumi byus:

Pīsadaleit portala lakuga.lv satura planavuošonā;
Veiduot portala lakuga.lv saturu latgalīšu rokstu volūdā;
Veiduot intervejis, analitiskus i vīdūkļu rokstus par latgalīšu volūdys problemvaicuojumim i Latgolys kulturys procesim;
Nu latvīšu literaruos volūdys iz latgalīšu rokstu volūdu puorlikt zinis.

Mes tev pīduovojam:

Īspieju struoduot pasaulī vīneigajā viņ latgaliski rokstūšajā medejā;
Īspieju struoduot nu sātys tev izdeveigā laikā (dorba pīnuokumus lakuga.lv var savīnuot ar studejom ci/i cytu dorbu);
Īspieju ītekmēt redzīni par Latgolu Latvejā i pasaulī;
Dorba tīsiskuos attīceibys i nūmoksuotus nūdūkļus iz projekta eistynuošonys laiku nu 01.09.2018. leidz 31.01.2019.
Olgu 630 eiro (pyrms nūdūkļu nūmoksys).

CV (dzeivis guojuma aprokstu) i motivacejis viestuli syuti iz info@lakuga.lv ar nūruodi “žurnalista vakaņce” leidz 13. augustam. Dasacejumu vari syuteit ari latvīšu literarajā volūdā. Papyldu informaceja, rokstūt iz e-postu info@lakuga.lv ci zvonūt 26149207 (Vineta Vilcāne).

Print Friendly, PDF & Email

Kalenders

Apr
18
Cat
12:00 Latgolys dīna @ Vacsalīnys muižys piļs
Latgolys dīna @ Vacsalīnys muižys piļs
Apr 18 @ 12:00 – 14:00
Latgolys dīna @ Vacsalīnys muižys piļs
19:00 Grupys “Galaktika” albuma prezen... @ Aizkrauklis kulturys centrs
Grupys “Galaktika” albuma prezen... @ Aizkrauklis kulturys centrs
Apr 18 @ 19:00 – 21:00
2024. gods zīmā i pavasarī – nu janvara da apreļa – popularuo šlagermuzykys grupa “Galaktika” dūsīs Latvejis koncerttūrē, kurys laikā tiks prezentāts ari jaunais albums “Mums pieder tik daudz”. Koncerti nūtiks gondreiž vysu Latvejis piļsātu[...]