Rokstu sagataveja: portals lakuga.lv

Tradicionali latgalīšu iedīni, Latgolys doba, cylvāki i sirsneiba – jaunā raidejumā “Īsakūd Latgolā” četru sereju garumā atkluos Latgolys tradicionalūs garšu daudzveideibu, informej Latvejis Televizejis puorstuove Krista Luīze Priedīte. Jaunajā televizejis raidejumā tiks gataveiti gon jobiki, gan gulbešnīki i murcovka, naaizmierstūt par īspieju tradicionalūs iedīņus papyldynuot ari ar kaidu jaunynuojumu.

Raidejumu vadeis Mārtiņš Kozlovskis i Māra Pole. Improvizacejis teatra aktirs i komikis Mārtiņš televizejis skateituojim jau ir pazeistams, jis lobuok zynoms ar vuordu Kozmens, sovukuort Māra, kura kasdīnā ir žurnala “Pie Galda” redaktore, itei byus pyrmuo pīredze raidejuma vadeišonā. Obejus vīnoj tys, ka jī ir sirsneigi, atvārti, vīnkuorši i dzeivisprīceigi, bet, kas svareiguokais – obu saknis meklejamys Latgolā.

 

Pirmā diena Latgalē aizvadīta – daudz ēsts, dzerts, smiets, ceļots un runāts latgaliski. Īkūdīs Latgolā! ✔ • • • #tapt #taptlv #latgale #tvshow #everydaylatvia #lubans #enjoylatvia

A post shared by TAPT (@tapt.lv) on Jun 26, 2018 at 12:52pm PDT

Raidejuma vadeituoji dūsīs gostūs pi styprom saimem i amatnīkim. Māra kūpā ar saimineicom vuiceisīs tradicionali gataveit latgalīšu iedīnus i tim pīvīnuot ari kū jaunu nu seva. Tymā pošā šaļtī Kozmens dūsīs pi amatnīku i īmieginuos rūku dažaidūs omotūs. Varēs redzēt, kai rūnās popularuo Latgolys keramika, kai taisa latgalīšu olu i šmakovku, kai audzej kanepis i kiupynoj karpys Latgolā.

Jaunū raidejumu LTV1 skateituoji varēs vērtīs augusta svātdīņu pīvakarēs. Pyrmuo epizode jau 5. augustā 18.20 stuņdēs. Pyrmajā raidejumā kūpā ar Māru varēs izzynuot eistys zivu zupys nūslāpumus, bet kūpā ar Mārtiņu – izzynuot, kaidys zivs dzeivoj Lubāna azarā, kai tuos kiupynoj, kai ari nūskaidruot, ar kū eipaša latgalīšu šmakovka.