Par karaimu kulturu līcynoj kulinarais montuojums

Par karaimu kulturu līcynoj kulinarais montuojums

Roksta autore: Ināra Groce, žurnals “A12”

Vīna nu sovpateiguokūs etniskūs grupu Baltejā ir karaimi, kuru sāta jau nu 14. godu symta ir Traki Leitovā. Dižkunigaits Vītauts etniskūs radinīkus tatarim ir atveds nu karaguojīņa iz Malnū jiuru. Karaimi sorguoja Traku azarpili i tyltus, partū pi Traku piļs vaļdinīks īdeve karaimim vītu deļ sātys.

Leitovys vaļdinīkam simpatizēja karaimu drūsme i karuotmuoka, partū ari izveiduoja karaimu personiskū gvardi. Karaimi ir ari veikli tierguotuoji i prasmeigi amatnīki. Leitovīšu vaļdinīki pīzynuši karaimu autonomeju i privilegejis. Par boguotū dzeivi līcynoj Traku piļs ekspozicejā radzamī duorgumi i pamateigi byuvātuos kūka sātys, kuramuos dzeivuoja karaimi. Ari niule kūka sātys ir sasaglobuojušys ar tradicionalū izvītuojumu i kūšū, dzeivisprīceigū kruosuojumu. Sātom iz īlys pusi ir treis lūgi – vīns lūgs ir veļtejums Dīvam, ūtrys – dzimtinei, bet trešais – Vītautam, kurs tautai īdevs jaunu sātysvītu. Karaimu volūdys iz īlys Trakūs dzierdēt navar, a var īpazeit kulinarū montuojumu. Tī ir peirādzeni, kurymūs nomadi īcepe gaļu, kuopustus ci kaidus cytus zaļumus, kas beja atrūnami.

Myusu dīnuos Trakūs dzeivoj viņ ap 50 mozajai tautai pīdareigūs, Leitovā vaira par 250, bet vysā pasaulī viņ nazcik tyukstūši. Traku pilī karaimiem veļteita nalela ekspoziceja, pastreipojūt tradicionalū tautystārpu, sadzeivis prīškmatus. Piļsātā vysuos kafejneicuos var nūpierkt karaimu tradicionalūs peirādzeņus, bet eistuokī ir karaimam Jurijam pīdarūšajā restoranā “Kybynlar”.

Piec padūmu īkuortys sabrukuma lītuvīši ir rekonstruiejuši Traku pili, kura niule pīsaista lelu skaitu turistu. Leitovā dorbojās ari Leitovys Karaimu kulturys bīdreiba, kurys golvonuos aktivitatis ir ituos mozuos etniskuos grupys kulturmontuojuma saglobuošona. Ir izveiduotys saiknis ar karaimim Pūlejā, Ukrainā, Krīvejā.

Roksts sagataveits sadarbeibā ar portalu lakuga.lv ar Vaļsts regionaluos atteisteibys agenturys finansialu atbolstu nu Latvejis budžeta leidzekļu projektā “Robežlīnijas”.

Print Friendly, PDF & Email

Kalenders

Mar
28
Cat
18:30 Izruode “Divejis vyrtuvē, naskai... @ Daugovpiļs teatris
Izruode “Divejis vyrtuvē, naskai... @ Daugovpiļs teatris
Mar 28 @ 18:30 – 20:00
Izruodis pamatā ir ukraiņu dramaturga Aleksandra Mardaņa luga “Muotis i meitys” (“Дочки-матери”), lugu latgaliski tulkuojuse Kristīne Veinšteina. Tei byus gondreiž kriminala komedeja Olega Šapošnikova režejā i viesteis par div liktiņa nalutynuotom sīvītem, kurys par speiti vysim[...]
19:00 Grupys “Galaktika” albuma prezen... @ CATA kulturys noms
Grupys “Galaktika” albuma prezen... @ CATA kulturys noms
Mar 28 @ 19:00 – 21:00
2024. gods zīmā i pavasarī – nu janvara da apreļa – popularuo šlagermuzykys grupa “Galaktika” dūsīs Latvejis koncerttūrē, kurys laikā tiks prezentāts ari jaunais albums “Mums pieder tik daudz”. Koncerti nūtiks gondreiž vysu Latvejis piļsātu[...]