Roksta autors: portals lakuga.lv

Muzike Santa Savicka-Drozdova publiciejuse sovu pyrmū dzīsmi latgaliski “Vysapkuort”. Par dzīsmi “Vysapkuort” Santa soka, tei asūt par dzeivi, par tū, kas nūteik myusima pleik, par rūbežim cylvākā pošā, kurim juoteik puori.

Latgalīšu muzykā Santa Savicka-Drozdova da šam nav zynoma, kai stuosta poša muzike, dzīduošona ir juos sirdslīta jau nu bierneibys. “Muzyka ir muns lels hobejs, bez tuos sovu dzeivi navaru īsadūmuot,” soka Santa.

Santa ir nu Kaunatys i uzauguse muzykalā saimē. Koč ari vaira kai 11 godus jei dzeivoj Reigā, tok vys sirds valk iz Latgolu, kur giust energeju i īdvesmi. Dzīsmis Santa roksta jau nu 16 godu vacuma, suokumā tuos bejušs krīvu volūdā, tok šūgod jei dzīsmis suokuse raksteit latgaliski. Vaicojūt, kas pamudynuojs raksteit latgaliski, Santa atsoka: “Eisti poša nimoz navaru atbiļdēt, kas mani pamudynuoja raksteit latgaliski, vīnā saļtī izdūmuoju, ka raksteišu latgalsiki. Suokumā uzraksteju vīnu dzismi, tod roduos nuokušuo i tod vēļ nuokušuo. Tagad ir daudz dzīšmu latgaliski, tikai vīna pagaidom ir apstruoduota, puorejuos ir apstruodē i gatavojās albums.”

Roksts sagataveits ar Vaļsts regionaluos atteisteibys agenturys finansialu atbolstu nu Latvejis vaļsts budžeta leidzekļu.