Uzjiemeigi jaunīši, podkāsti i čekys maisi – jaunais žurnals “A12”

Uzjiemeigi jaunīši, podkāsti i čekys maisi – jaunais žurnals “A12”

Roksta autors: žurnals “A12”

Jaunuo gods žurnāla “A12” pyrmajā numerī īdvasmojūšys tikšonuos i ar jaunim i uzjiemeigim, i viesturis leiklūčus i sistemys pīredziejušim. Kristaps Andrejsons ir apkūpuojs vysaidus cylvākstuostus i izveiduojs uorzemnīkim atpazeistamu audioraidejumu – podkāstu (aba apluodi), kas angļu volūdā viestej par Latvejis viesturi i padūmu laikim Baltejā. Vēļ vīns atkluojums ir Ainārs Olūtnieks, kurs radeja socialuo teikla Instagram kontu Dailypurrr, zeimejūt omuleigus kačus sekuotuoju sajimtajom fotografejom. Gods izskanis Zīmyssvātku paduovynuotuo losomvīla ir “čekys maisu” karteitis. Kai par čekys agentim palyka gruomatizdeviejs Juoņs Eļksnis i kūktieļnīks Ontons Rancāns – atkluotā intervejā žurnalam “A12”. Pasauļa pīredzē dolomēs, īpazeistūt mozu piļsieteņu Kuhmo, Karelejis i Suomejis pīrūbežā, kas pasauļa slavi dabuoja, rodūt sovu, atpazeistamu kamermuzykys festivalu. Marija Kārkla, Cyblys vydsškolys bejušuo direktore, intervejā atkluoj, ka mums pītryukst gudreibys pasaļaut pošim iz sevi. Ari fizioterapeits Māris Klaučs sovā praksē ir puorsalīcynuojs, ka cylvākam pošam ir sevi juosakuortoj i juoveidoj styngrys kūduls. Žurnals “A12” tīkās ar laseituojim, kab kūpeigi izprastu tagadni i sovu nūvītuojumu kosmosā, tai atguodynojūt, ka aiz kotra nu myusu stuov zvaigznis. Kū tod vēļ var padareit…

Roksts sagataveits sadarbeibā ar portalu lakuga.lv ar Vaļsts regionaluos atteisteibys agenturys finansialu atbolstu nu Latvejis budžeta leidzekļu projektā “Robežlīnijas”.

Print Friendly, PDF & Email

Kalenders

Apr
18
Cat
12:00 Latgolys dīna @ Vacsalīnys muižys piļs
Latgolys dīna @ Vacsalīnys muižys piļs
Apr 18 @ 12:00 – 14:00
Latgolys dīna @ Vacsalīnys muižys piļs
19:00 Grupys “Galaktika” albuma prezen... @ Aizkrauklis kulturys centrs
Grupys “Galaktika” albuma prezen... @ Aizkrauklis kulturys centrs
Apr 18 @ 19:00 – 21:00
2024. gods zīmā i pavasarī – nu janvara da apreļa – popularuo šlagermuzykys grupa “Galaktika” dūsīs Latvejis koncerttūrē, kurys laikā tiks prezentāts ari jaunais albums “Mums pieder tik daudz”. Koncerti nūtiks gondreiž vysu Latvejis piļsātu[...]