Rokstu sagataveja: portals lakuga.lv

Nūsaslādzūt mīlesteibys mienešam – februaram, Rēzeknis nūvoda vokaluo studeja “Skonai” skateituoju i klauseituoju viertiejumam nūdavuse sovu jaunuokū dorbu – dzīsmis “Elizejis lauki” videoklipu.

Gon poša dzīsme, gon ari tuos video sevkuru skateituoju īvad boltā zīmys sajiutā, kurū caurvej mīra pylna prīca i mīlesteiba. Kab, suocūtīs pavasaram, natyktu damiersta zīmys burveiba, vokaluo studeja “Skonai” aicynoj smeļtīs drupeiti nostaļgejis piec soltuokuo godalaika, kod eipaši sajiutam ūtra cylvāka syltumu i tyvumu.

Dzīsmis “Elizejis lauki” teksta autore ir dzejneica Ineta Atpile-Jugane, muzykys autore ir vokaluos studejis muokslinīciskuo vadeituoja Guntra Kuzmina-Jukna. Sovpus, kompozicejis aranžeja produceita Ginta Stankevica vadeibā. Videoklips veiduots Māra Justa vadeibā, ar kurū “Skonai” jau izaveiduojuse pateikama i radūša sadarbeiba.

Drukavuot