Rokstu sagataveja: portals lakuga.lv

19. junī 16.00 stuņdēs Daugovpiļs Muola muokslys centrā tiks atkluota fotografeju i keramikys izstuode “Latgales zelta pods”, kas topuse kai daļa nu ekspediceju projekta “Latvijas zelta pods”, informej Daugovpiļs Nūvodpietnīceibys i muokslys muzeja komunikacejis i sabīdryskūs attīceibu specialiste Gunta Ločmele.

Bīži viņ taišni muols teik saukts par Latgolys zaltu, sovutīs par Latgolys zalta pūdu poši pūdnīki nareši – kaidu nu sadzeivis trauku – vuoraunīku voi pīna krūzi. Latgolys pūdnīceibys tradicejis, kai nūzeimeiga vierteiba īkļauta Latvejis kulturys kanonā. Pūdnīceiba pīzeistama par vīnu nu senejuokūs tautys muokslys izpausmu, kas eipaši izkūpta taišni Latgolā. Taišni te, Latgolā, pūdnīka omots teik puormontuots vairuokuos paaudzēs, saglobojūt regionam soveiguos tradicejis, kai ari meklejūt jaunus rysynuojumus.

Izstuodis “Latgales zelta pods” fotografeju autore ir profesionala fotografe i antropologe Elīna Kursīte, kas Latvejis sabīdreibā zynoma kai karteņu autore gruomotom “Latvijas pierobežas pēdējie mohikāņi” (2016) i “Latgales pēdējie mohikāņi” (2018). Biļžu pavadūšūs tekstu autore ir Rūta Šmite. Izstuode raksturoj pūdnīceibys tradicejis, atkluoj kotra pūdnīka personeibys škautnis i sajiutys.

Izstuode Daugovpiļs Muola muokslys centrā byus apsaverama da 16. augusta.