Kai lobuok pasaceit latgaliski? Praktiski padūmi

Kai lobuok pasaceit latgaliski? Praktiski padūmi

Roksta autoris: Vineta Vilcāne, Sandra Ūdre, portals lakuga.lv

Latvīšu literarajai volūdai i latgalīšu rokstu volūdai ir daudz kūpeiguo, bet ir ari atškireigais. Vairuoki vuordi obejūs latvīšu volūdys variantūs rokstuos vīnaiž, pīmāram, zeme, egle, maize, es, mani, viņ runā dzieržama atškireiba. Kotrys pats var paraudzeit itūs vuordus izrunuot teikumā latvīšu literarajā volūdā i latgaliski – tī skanēs atškireigi.

Runuotuo latgalīšu volūda nateik normāta, runā pasaruoda formys, kas rokstu volūdā nav piļaunamys. Itei ir vīna nu latgalīšu volūdys sovpateibu, kas juopījam kotram, kas grib pareizi īsavuiceit raksteit latgaliski.

Dūmojams kotrys var nūsaukt viertini vuordu, kas rakstureigi tikai latgalīšu volūdai, tok daudz teik lītuoti ari latgaliskuoti latvīšu literaruos volūdys vuordi, koč ari psastuov latgaliskuoks vuords, pīmāram, soka ci roksta “atnuoce”, bet latgaliskuok byutu saceit ci raksteit “atguoja”. Portals lakuga.lv apkūpuojs vairuokus itaidus vuordus, paruodūt nu latvīšu literaruos volūdys latgaliskuotū vuordu i analogu latgalīšu volūdā, kuru byutu vālams lītuot gon runā, gon rokstūs. Vuordu latgaliskūs formu lītuošona runai daškir eipašuoku skaniejumu i izceļ volūdys eipatneibys i atškireibys.

nākt| nuokt → atīt
Jis atnuoce atguoja pyrmais.

nokļūt| nūkliut → tikt
Mes nūklivom tykom Parizē piec nedelis.

kļūt| kliut → palikt
Kiut Palikt par slovona aktera sīvu.

ģimene| gimine → saime
Projekts “Digitalī latgalīši” veicynuos latgalīšu volūdys lītuošonu giminēs saimēs.

pankūka| pankiuka → bleins/bleiņs /blīns
Vyspuor pankiukys blīni ir vacuoki par maizi.

vecāki| vacuoki → tāvs ar muoti
Vystik školā Ontonam īt labi i vacuoki tāvs ar muoti sprīde, ka dāls juolaiž vuiceitīs iz Pīterpili.

ģērbt| gierbt → viļkt
Sovā dzimšonys dīnā jei vysod gierbe vylka sorkonu sukni.

sega| saga → dečs
Ka turistim zīmeļbrīžu uoda ir kai suvenirs, tod lauku sātā jei kolpoj kai sylts saga dečs ci puorkluojs, iz kura siļdeitīs.

auksts| auksts → solts
Auksts Solts beja pyrmajuos dīnuos, bet, kai soka, cylvāks pīrūn pi vysa.

ļoti| ļūti → cīši/cīš
Maņ ļūti cīši pateik muna jaunuo mašyna.

mājas| muojis → sāta
Muojuos Sātā vysod ir lobuok.

smarža| smarža → smuords
Tikkū captūs kotletu smaržu smuordu varēja just pa gobolu.

atcerēties| atsacerēt → atguoduot
Dzeds navarēja atsacerēt atguoduot, kur nūlics sovys brillis.

prasīt| praseit → vaicuot
Jis maņ praseja vaicuoja, voi īšu iz koncertu.

skatīties| skateitīs → vērtīs
Es skatejūs vierūs iz jū, i navarieju atguoduot, kur asu jū redziejuse.

Medeju atbolsta fonda īguļdejums nu Latvejis vaļsts budžeta leidzekļu. Par roksta saturu atbiļd portals lakuga.lv.

Print Friendly, PDF & Email