Ludzys igauņu ābece elektroniski niu daīmama kotram

Ludzys igauņu ābece elektroniski niu daīmama kotram

Rokstu sagataveja: portals lakuga.lv

Pyrma goda tapušuos gruomotys “Ludzas igauņu valodas ābece” elektroniskuo verseja niu ir publiski i bezmoksys daīmama sevkuram grybātuojam, sovā “Instagram” kontā paziņuojs gruomotys autors i Latvejis Universitatis Lībīšu instituta pietnīks Uldis Balodis.

Golvonais īmeslis gruomotys elektroniskuos versejis pataiseišonai par publisku ir daleitīs ar informaceju par Ludzys igaunim, jūs volūdu i montuojumu. “Gruomota cītūs vuokūs nūdrūsynoj pīeju itai informacejai Latvejis bibliotekuos, kai ari atseviškim interesentim i Ludzys igauņu piectečim. Ābecis breivi daīmamuo elektroniskuo verseja var izaplateit vēl plašuok i, carams, padareis ituos zynuošonys i informaceju vīgluok daīmamu daudz plašuokam skaiteituoju lūkam,” skaidroj Uldis.

Igauņu ābecē īkļauti na tikai alfabeta burti ar vysaidim pīmārim, bet ari īvods Ludzys igauņu viesturē, fotografejis, dzeivuos runys pīmāri, gramatikys aproksts, latvīšu-Ludzys igauņu-latgalīšu vuordineica, kai ari vysaidys dereigys frāzis.

“Ludzys igauni ir svareiga daļa nu Ludzys, Latgolys i vysys Latvejis i latvīšu montuojuma – grybu, lai muna ābece paleidzātu uzturēt atmiņu par itū montuojumu,” komentej ābecis autors.

Ābece daīmama ITE.

Vaira par pošu ābeci var skaiteit ITE.

Print Friendly, PDF & Email

Kalenders

Feb
22
Cat
10:00 Seminars “Konfesionālās attiecīb... @ Latvejis Universitatis Latvejis viesturis instituts
Seminars “Konfesionālās attiecīb... @ Latvejis Universitatis Latvejis viesturis instituts
Feb 22 @ 10:00 – 12:00
22. februarī 10.00 stuņdēs kluotīnē, Kalpaka bulvarī 4, 108. telpā nūtiks seminars LU Latvejis viesturis instituta akademiskuo omota pretendentim. Tymā tiks snāgts ziņuojums par īprīšk sagataveitu temu.   Seminara programa: 1. Tatjana Bogdanoviča. “Konfesionālās attiecības[...]
Feb
23
Pīk
18:00 Ūtrais čangaļu saīts ci latgalīš... @ Ūzulainis tautys noms
Ūtrais čangaļu saīts ci latgalīš... @ Ūzulainis tautys noms
Feb 23 @ 18:00 – 23:00
23. februarī nu 18.00 da 23.00 stuņžu Ūzulainis tautys nomā nūtiks ūtrais “Čangaļu saīts ci latgalīšu olimpiade”, aicynojūt iz prīceigu i gordu laika pavadeišonu latgaliskā atmosferā. Tei nav tipiska olimpiade, jo tamā varēs: pasasmīt par[...]