Apvydvuordu tolkā aicynoj duovuot sova nūvoda vuordus

Apvydvuordu tolkā aicynoj duovuot sova nūvoda vuordus

Rokstu sagataveja: portals lakuga.lv

Latvejis Universitatis Latvīšu volūdys instituts sadarbeibā ar UNESCO Latvejis Nacionalū komiseju aicynoj pīsadaleit Apvydvuordu tolkā, viestej informaceja tūs sātyslopuos. Tei veļteita volūdnīka Jāņa Endzelīna 150. dzimšonys dīnai.

Apvydvuords var byut sevkurs vuords – kai lītvuords (par pīmāru, ķinka ‘buļbu bīzputra’ ap Mozsalacu, Limbažim, Gaujīnu), tai darbeibys vuords (par pīmāru, lūsināties ‘viereigai vērtīs’ Kūrzemē), eipašeibys vuords (par pīmāru, breineigs Latgolā) i cyti, pat izsauksmis vuords voi saiklis. Vuordu skaita par apvydvuordu ari tod, ka tys tik nadaudz atsaškir nu cytur lītuotuo vuorda (par pīmāru, par kartupelis apvydvuordim skaitami ari karpeliskartpeliskartfelis i cyti). Par apvydvuordim saucami ari vuordi, kam nūvodā ir tik atškireiga nūzeime (par pīmāru, rāceņi kai buļbys Kūrzemē). Datubazis apvydvuordu aileitē ir īspiejams īvadeit ari nūvodam rakstureigūs teicīņus (frazeologismus).

Apvydvuordu tolkā aicynuotys pīsadaleit izgleiteibys īstuodis, bibliotekys, muzeji, turisma informacejis centri, navaļstiskuos organizacejis i cytys institucejis, kai ari sevkurs interesents i aktivistu grupys.

Apvydvuordus sevkurs byus aicynuots registrēt eipaši izveiduotā datubazē, kas byus daīmama papyldynuošonai nu 22. februara. Datubazis atkluošonys pasuokums, kū vadeis akters Gundars Āboliņš, nūtiks tīšsaistē Jāņa Endzelīna 149. dzimšonys dīnā 22. februarī 16.00 stuņdēs i byus apsaverams sevkuram interesentam kai Zoom puorraidē (https://lu-lv.zoom.us/j/97042740164), tai Latvejis Universitatis i LU Latvīšu volūdys instituta Facebook lapā.

Apvydvuordu tolkys laikā kotru nedeļu tiks atlaseits vuords, kū dareit zynomu plašuokai publikai.

Kalenders

Jun
12
Cat
17:00 Īleiguošona “Labietī” @ "Labietis"
Īleiguošona “Labietī” @ "Labietis"
Jun 12 @ 17:00 – Jun 13 @ 01:00
17.00 Vaiņuku veišonys darbneicys, vītys īkuortuošona, Juoņu vuortu pastateišona ar folklorys kūpom “Grodi” i “Garataka”. 19.00 Īleiguošona. Leigūtņu dzīduošona. Puišu i meitu apdzīduošona i apleiguošona. 20.00 Daņči ar “Grodim” i “Garataku” 21.00 Pūdelis sagataveišona i[...]
Jun
13
Pīk
18:00 Dzejis i muzykys vokors “Vysi vu... @ Latgolys viestnīceiba "Gors"
Dzejis i muzykys vokors “Vysi vu... @ Latgolys viestnīceiba "Gors"
Jun 13 @ 18:00 – 19:30
Dzejis i muzykys vokors, kurā fragmentus nu tūpūšuos gruomotys “Vysu vuordi” skaiteis latgalīšu literaruo andergraunda puorstuovs, multimuokslinīks Raibīs, bet dzīsmis nu albuma “Negaidīti varoņi” atskaņuos myusu dīnu tautys muzykys grupa “Nielslens Lielsliens”. Grupys koncerti izaceļ[...]
18:30 Izruode “Gaisma, es tevi dzirdu” @ Latvejis Leļu teatris
Izruode “Gaisma, es tevi dzirdu” @ Latvejis Leļu teatris
Jun 13 @ 18:30 – 20:00
Dokumentaluo taustive. Treis jaunys mārgys īvad myus sovā naīraudzeitā pasaulī – kai juos redz lītys, nūtikšonys i attīceibys tympus ocu, kū juos pīredz, sasateikūt ar cylvākim, kuri naredz, nagrib redzēt voi pat naīredz. Juos stuosta,[...]