Kulturys īsacejumi nedeļai: giut pavasara sauli i dzeivis kruosys

Kulturys īsacejumi nedeļai: giut pavasara sauli i dzeivis kruosys

Rokstu sagataveja: portals lakuga.lv

Kulturys īsacejumus itai nedeļai sagatavejs radejis “Pieci.lv” raidejuma “Pīci breinumi” vadeituojs Edgars Provejs. Jis īsoka apsavērt ukraiņu muokslinīku izstuodi Daugovpiļs Marka Rotko muokslys centrā, aizbraukt i pastaiguot pa Stompaku pūru, kai ari naaizmierst par bārzu sulu dzeršonu.

Ukraiņu muokslinīku izstuode “Caurvējā”

Benzins niu palics duorgs, deļtuo na vysim gribīs cīši tuoli braukt, lai dabuotu kaidu devu kulturys i dzeivis kruosu. Bet, ka tu dzeivoj Daugovpilī voi nazkur natuoli, tod īsoku apmeklēt Marka Rotko muokslys centru, kur itūšaļt ir īspieja apsavērt ukraiņu muokslinīku izstuodi “Caurvējā”. Pi reizis ari padūmoj, voi tu vari koč mozu drupeiti paleidzēt cylvākim Ukrainā voi tim, kas jau ir aizbraukuši paceli nu sovu sātu kara dieļ.

Olehs Bezjuks “Laiks” (2010). Audaklys, eļļa. 100×100 cm.

Pastaiga pa Stompaku pūra stygom

Giunit pavasara sauleiti un dobys atmūdu! Dūditēs kaidā dīnys puorguojīnī vysmoz sovā apleicīnē. Ka esit gotovi pabraukt kaidu gabaleņu, varit ari dūtīs izstaiguot Stompaku pūra stygys Viļakys nūvodā, kur marta suokumā nūtyka bazneicys-bunkura atkluošona.

Atjaunuotais bazneicys bunkurs Stompaku pūra apmetnis vītā. Karteņa: Bolvu nūvoda pošvaļdeiba

Dzerit bārzu sulys!

Dzerit bārzu sulys, cikom pavasars ļaun! Tys ir lobs veids, kai piec garuos zīmys atteireit sovu organismu ar svaigi spīstu zemis sulu.

Kartenis autore: Laura Spundere/lakuga.lv

Print Friendly, PDF & Email

Kalenders

Mar
30
Sai
15:00 Izruode “Divejis vyrtuvē, naskai... @ Daugovpiļs teatris
Izruode “Divejis vyrtuvē, naskai... @ Daugovpiļs teatris
Mar 30 @ 15:00 – 16:30
Izruodis pamatā ir ukraiņu dramaturga Aleksandra Mardaņa luga “Muotis i meitys” (“Дочки-матери”), lugu latgaliski tulkuojuse Kristīne Veinšteina. Tei byus gondreiž kriminala komedeja Olega Šapošnikova režejā i viesteis par div liktiņa nalutynuotom sīvītem, kurys par speiti vysim[...]
Mar
31
Svā
all-day Izstuode “Latgales keramikas stā... @ Daugovpiļs Muola muokslys centrs
Izstuode “Latgales keramikas stā... @ Daugovpiļs Muola muokslys centrs
Mar 31 all-day
Da 31. marta Daugovpiļs Muola muokslys centra izstuožu zālē apsaverama Tautys lītiškuos muokslys studejis “Latgale” izstuode “Latgales keramikas stāsti”, kurā apkūpuoti studejis lobuokī dorbi, viestej informaceja Daugovpiļs piļsātys sātyslopā. “Kotrys dorbs sovā byuteibā ir unikals i naatkuortojams, kotram[...]