Kluotyn kasgadejī pavasara svātki – Latgolys pūdnīku dīnys

Kluotyn kasgadejī pavasara svātki – Latgolys pūdnīku dīnys

Rokstu sagataveja: portals lakuga.lv

Ari itūgod nūtiks Latgolys pūdnīku dīnys. Tūs programa ir dyžan boguota ar vysaiduoka veida nūtikšonom. Ituo pasuokuma golvonais mierkis jau vaira nakai četrdesmit godu ir muola meistaru i jūs talanta meiļuotuoju sasatikšona, ideju i dūmu apmaiņa, vareiba redzēt, sajust i svinēt Latgolys muolu, kas ir ari daļa nu Latvejis Kulturys kanona.

Pūdnīceibys i keramikys veiduošonys tradicejis ir vīnys nu spylgtuokūs Latgolys namaterialuo kulturys montuojuma elementu, i Latgolys pūdnīku dorbi ir kai sovpateiga regiona vizitkarte. Latgolys pūdnīku dīnys ir regulars pasuokums jau vaira nakai 40 godu garumā. Tradicionali tuos nūteik apreļa beiguos.

Latgolys Kulturviesturis muzejs Rēzeknē jau vaira nakai desmit godu organizej zynuotniski praktiskū konferenci, kura itūgod nūtiks 28. aprelī, tuos tema ir “Skaņas mālā”. Vīnys dīnys garumā golvonuo viereiba tiks veļteita muzykys instrumentim – sviļpaunīkim, bungom i taurem nu muola. Sovpus ekspresizstuodē byus vareiba apsavērt muzykys instrumentus nu muzeja kruojuma, tūs vydā ari 2017. gods koncertizruodis ”Latgales gredzens. Rakstiem un skaņai” Aleksandra Maijera i Mairitys Folkmanis izveiduots instruments – lamelofons. Sovpus dīnys beiguos byus meistardarbneica, kurys laikā pūdnīku vadeibā varēs īraudzeit, kai teik izgataveits eipašais sviļpaunīku paveids – laksteigola. Kai stuosta keramiks Andris Ušpelis, nareši ir gadejīs dzierdēt, ka ļauds kaidu sviļpaunīku skaita par “brāki”, partū, ka naskaņ. “Sviļpaunīka paveids – laksteigola – byuteibā ir nūslāgts tylpums ar cauruleiti, kurs var skanēt viņ tod, kod tī īpylda iudini i tod pyušūt saīt kas na viņ leidzeigs laksteigolys pūguošonai.” Jis ari papyldynoj, ka nazkod taida tipa sviļpaunīkus taiseja Rēzeknis Muokslys i dizaina vydsškolys školuotuoja Janīna Gribuste, sovpus myusu dīnuos pūdnīki vaira taisa tradicionalūs sviļpaunīkus, kuri “dzīd” bez iudiņa davīnuošonys.

Karteņa: Sviļpaunīka paveids “laksteigola”, autore Janīna Gribuste, 1995., A. Ušpeļa kolekceja.

“Latgolys Pūdnīku dīnu 2023” programa

Nu 14. apreļa da 16. maja
TLMS “Latgale” izstuode “Keramikas vērtības”
Daugovpiļs Muola muokslys centrs, 18. novembra īla 8, Daugovpiļs, tel.: 65425302.

Nu 7. da 30. apreļa
Keramikys izstuode “Iesākumā bija MĀLS”
Rēzeknis Muokslys i dizaina vydsškolā, Boltajā zālē, Bazneicys īla 34a, Rēzekne, tel.: 64622676.

25. aprelī
Muola rakšonys tolka Preiļūs, kuru organizej Preiļu nūvoda Turisma atteisteibys i informacejis centrs (TAIC) i Preiļu keramiki Raivo Andresons, Ilona Abdulajeva, Sintija Bērziņa i Kristīne Nicmane. Daleiba bezmoksys, dasasaceišona pa teleponu 29355450.
Dīnys parāds:
12.00 stuņdēs – izbraukšona nu Preiļu TAIC (Kuorsovys īla 4, Preili). Tiks organizāts autobuss, leidza juojem luopsta. Tolkys laiks var tikt precizāts atkareibā nu laikapstuokļu.
Leidz 13.30 stuņdem – muolu rakšona
13.30–15.00 – muolu veiduošona ar rūkom, gunkurs i virīņa vuoreišona
15.00 stuņdēs – atsagrīzšona Preiļūs i keramiku darbneicu apmekliejums.

18.0021.00
Cepļa kūršona Valda i Olgys Pauliņa keramikys darbneicā
Dyumu īla 8, Kruoslova, tel.: 29128695.

26. aprelī
11.0015.00
Attaiseitūs durovu dīnys Kruoslovys amatnīceibys centra keramikys darbneicā
Piļs īla 10, Kruoslova, tel.: 29128695.

13.0014.30
Cepļa izjimšona Valda i Olgys Pauliņu keramikys darbneicā
Dyumu īla 8, Kruoslova, tel.: 29128695.

27. aprelī
18.0020.00
Glazātuos keramikys cepļa kūršona Jura Krompāna darbneicā
“Krompāni”, Niperova, Greiškānu pogosts, Rēzeknis nūvods, tel.: 27529187.

28. aprelī
9.0015.00
Attaiseitūs durovu dīna Rēzeknis Muokslys i dizaina vydsškolā
Bazneicys īla 34a, Rēzekne, tel.: 64622676.

10.0012.00
Glazātuos keramikys cepļa izjimšona Jura Krompāna darbneicā
“Krompāni”, Niperova, Greiškānu pogosts, Rēzeknis nūvods, tel.: 27529187.

13.0016.00
Zynuotnyski pietnīcyskuo konference par lītiškuos muokslys vaicuojumim Latgolys Kulturviesturis muzejā
Atbreivuošonys aleja 102, Rēzekne, tel.: 64622464, muzejs@rezekne.lv.

17.3020.00
Golvonuo Latgolys Pūdnīku dīnu 2023 keramikys cepļa kūršona Stanislava Viļuma i Violys Annys Bīrinis darbneicā “Cukrasāta”. Muola puorvierteibys i meistaru stuosti. Reducātuos keramikys cepli kūrs Stanislavs Viļums
“Cukrasāta”, Bekši, Ūzulainis pogosts, Rēzeknis nūvods, tel.: 29106193.

29. aprelī
9.0018.00

Keramikys i tieļnīceibys simpozejs “Masku balle” (pyrmuo dīna)
Maltys daudzfunkcionaluo zāle, Školys īla 5, Malta, Maltys pogosts, Rēzeknis nūvods, tel.: 29235941, https://ej.uz/simpozijsMaskas
Simpozeja aizdavums – antopomorfuos maskys izveide. Pyrmajā dīnā skiču izstruode i veiduošona. Dalinīki: Rēzeknis Muokslys i dizaina vydsškolys školāni, Latvejis Muokslys akademejis Latgolys filialis, Nautrānu i Maltys muokslys izgleiteibys programu dalinīki i interesenti. Organizej bīdreiba “Rēzeknes Mākslinieku kopa”, muokslinīcyskī vadeituoji Ivo i Mairita Folkmani.

10.0011.30
Latgolys Pūdnīku dīnu 2023 cepļa izjimšona keramikys darbneicā “Cukrasāta”
“Cukrasāta”, Bekši, Ūzulainis pogosts, Rēzeknis nūvods, tel.: 29106193.

12.0013.30
Latgolys Pūdnīku dīnu 2023 izstuodis atkluošona Lūznovys mužys “Kulturys škiunī”
Lūznova, Lūznovys pogosts, Rēzeknis nūvods, tel. 28686863, muiza@luznava.lv. Izstuode byus apsaverama da 28. maja.

30. aprelī
10.00–18.00

Keramikys i tieļnīceibys simpozejs “Masku balle” (ūtrei dīna)
Maltys daudzfunkcionaluo zāle, Školys īla 5, Malta, Maltys pogosts, Rēzeknis nūvods, tel.: 29235941

Latgolys Pūdnīku dīnys 2023 organizej Rēzeknis nūvoda pošvaļdeiba, TMLS Rēzeknes apriņķa pūdnīki”, Latgolys Kulturviesturis muzejs sadarbeibā ar TMLS “Latgale” (Daugovpiļs), A. Paulāna TMLS (Rēzekne), Lūznovys muižu, bīdreibu “Rēzeknes Mākslinieku kopa”, Preiļu nūvoda TAIC i Kruoslovys Amatnīceibys centru.

Print Friendly, PDF & Email

Kalenders

May
24
Pīk
22:05 Raibīs. Pyrma syltī. Zalta tesmi... @ Latvejis Radio 1
Raibīs. Pyrma syltī. Zalta tesmi... @ Latvejis Radio 1
May 24 @ 22:05 – 23:00
Raibīs. Pyrma syltī. Zalta tesmini. Radejis skaitejumi @ Latvejis Radio 1
Turpynojūt latgalīšu myusu dīnu literaturys īmyužynuošonys i populariziešonys dorbu, nu 21. da 24. maja Latvejis Radejis 1 eterā pyrmū reizi skanēs latgalīšu prozys dorbu izlase – stuosti i esejis, kuru autori ir Annele Slišāne, Valentins[...]
May
25
Sai
19:00 Grupys “Raxtu Raxti” i “Sinfonie... @ koncertzāle "Lielais Dzintars"
Grupys “Raxtu Raxti” i “Sinfonie... @ koncertzāle "Lielais Dzintars"
May 25 @ 19:00 – 21:00
Līpuojis koncertzālis pavasara sezonys nūslāgumā iz leluos skotivis varēs pīdzeivuot eipašu mageju, kū veiduos mejīdarbeiba tautys i akademiskuos muzykys vydā – grupa “Raxtu Raxti” i kamerorkestris “Sinfonietta Rīga” dirigenta Normunda Šnē vadeibā. Kūpeigajā koncertprogramā skanēs[...]