Kulturys īsacejumi nedeļai: gostūs iz Naujini!

Kulturys īsacejumi nedeļai: gostūs iz Naujini!

Rokstu sagataveja: portals lakuga.lv

Ituo nedeļa Naujinē tiks aizvadeita vysā aktivā gaisūtnē – vysaiduoki pasuokumi sevkuram interesentam, kurs grib īsavuiceit adeišonys prasmis, īpazeit vacticeibnīku kulturu i tradicejis, izzynuot vaira par tieļneicu Valentinu Zeili voi ari apsvarēt Augšaudovys lelū musturdeči sovom acim. Deļtuo ituos nedelis kulturys īsacejumus sagataveja Naujinis Nūvodpietnīceibys muzeja direktore Evita Kusiņa-Kolesnika.

Īpazeit vacticībneiku gareigū i sadzeivis kulturu

4.–5. augustā Augšdaugovys nūvoda Naujinis i Vyšku pogostūs nūtiks VII Latgolys stuostnīku festivals “Omotu stuosti”. Itūgod festivala vierstema ir “Vacticībneiku gareiguo i sadzeivis kultura Latvejis kulturys kontekstā”. Deļtuo festivala atkluošonys pasuokums i puorejuos nūtikšonys tiks aizvadeitys unikalā vītā – Naujinis pogosta Slutišku sādžā, kurā izvītuotys “Upānu” sātys i “Slutišķu vacticībneiku sātys” ekspozicejis.

Sovpus festivala vokorpusis aktivitatis suoksīs ar Daniševkas vacticeibnīku lyugšonu noma apmekliejumu Vyšku pogostā i nūsaslēgs ar Lelūs stuostu vokoru Špogu Muzykys i muokslys školā.

Festivala ūtruos dīnys nūrisis byus Naujenis Nūvodpietnīceibys muzejā, īpazeistūt vacticeibnīku goreigūs dzīduojumus, dzeivisstuostus i vītejū kulturvidi vysaidu atmiņu instituceju kruojumūs.

Īsavuici jaunys prasmis adeišonys meistarklasē

4. augustā 10.30 stuņdēs vysys rūkdarbneicys teik aicynuotys iz Naujinis Nūvodpietnīceibys muzeju (Školys īla 1) pīsavīnuot adeituojom nu uorzemu, kurys vuicās cymdu adeišonu Latgolā. Cymdu adeišonys meistarklasi “Let’s Knit in Latgale”/”Adīsim Latgalē!” organizej tautystārpu centrs “Senā Klēts”, tū vadeis tautys lītiškuos muokslys studejis “Irbi” vadeituoja Baiba Pilāne. Meistarklasis laikā byus vareiba īpasazeit ar muzeja cymdu kolekceju i īsavuiceit Naujinis pogostam rakstureigū lentveida vaļneiša rokstu.

Īprīšk obligati juopīsasoka meistarklasei pa telepona numeri 65471321. Taipoš kotrai rūkdarbneicai ir juobyut pīredzei adeišonā i leidza juojam sovys adamodotys.

Nasteidzeigi īpazeit tieļnīcys Valentinys Zeilis muokslu i apbreinuot Lelū Augšdaugovys musturdeči

Tieļneica Valentina Zeile ir na viņ Augšdaugovys nūvoda, tok ari vysys Latgolys lapnums. Muokslys galerejā “Latgales parīziete Valentīna Zeile” ir apsaverami originaldorbi bronzā, kas ilustrej muokslineicys zeimeiguokūs sasnāgumus i atkluoj ītekmi Latvejis i Francejis muokslā.

Ekspozicejā car Zeilis personeibu pastarpynuoti var īpazeit paguojušuo godu symta 70. godu kulturainu i izcylys personeibys literaturā, muokslā, teatrī i kino, taipoš ari papyldynuot zynuošonys par Latvejis kulturtelpā zeimeigom nūtikšonom. Svareiguokū muokslineicys davumu var turpynuot īpazeit atkluotajā muokslys prīškmatu kruojumā “Valentīnas Zeiles darbnīca”, biografiskajā izstuodē i izstuodē “Māksliniece un viņas mūzas”.

Karteņā: tieļneica Valentina Zeile, foto Naujinis Nūvodpietnīceibys muzejs

Dzili sirdī daudzim beja īkrits Naujinis Nūvodpietnīceibys muzeja aicynuojums savīnuot Daugovys krostus ar musturim izraksteitu tyltu, kas ari itūgod tika izdareits Storptautyskajā tautys muokslys festivala “Augšdaugava 2023” laikā. Sevkurs niu ir aicynuots apbreinuot kruošņū kūpdorbu – Lelū Augšdaugovys musturdeči – muzeja telpuos.

Print Friendly, PDF & Email

Kalenders

Apr
25
Cat
11:00 Festivals “Steigys” @ Juoņa Ivanova Rēzeknis muzykys vydsškola
Festivals “Steigys” @ Juoņa Ivanova Rēzeknis muzykys vydsškola
Apr 25 @ 11:00 – 17:00
Festivals "Steigys" @ Juoņa Ivanova Rēzeknis muzykys vydsškola
18:00 “Pauls un Keišs. Vīrieši labākos... @ Muzykys noms "Daile"
“Pauls un Keišs. Vīrieši labākos... @ Muzykys noms "Daile"
Apr 25 @ 18:00 – 20:00
Latvīšu estradē, latvīšu teatrūs i Latvejis politiskajā dzeivē ir daudz veirīšu lobuokūs godūs. Iz skotivis byus diveji – vīns nu estradis i džeza, ūtrys nu teatra i kinys pasauļa. Tok – kotrys nu prīšknasumu var[...]
19:00 Koncerts “Celīs, bruoļ!” @ VEF Kulturys piļs
Koncerts “Celīs, bruoļ!” @ VEF Kulturys piļs
Apr 25 @ 19:00 – 21:00
Koncertā pīsadola kai jau populari i labi pazeistami, tai i pavysam jauni, dažaidus muzykys stilus puorstuovūši muokslinīki: Juoņs Aišpurs (THE SOUND POETS), Arņs Slobožaņins (DABASU DUROVYS), Guntis Rasims i Jurs Vucāns (BEZ PVN), Jurs Ostrovskis[...]