Upītē atkluos renovātū Namaterialuos kulturys montuojuma centru

Upītē atkluos renovātū Namaterialuos kulturys montuojuma centru

Rokstu sagataveja: portals lakuga.lv

Jau 19. augustā Bolvu nūvoda Upītē piec drupeit vaira nakai goda ilgu renovacejis dorbu tiks atkluots atjaunuotais Namaterialuos kulturys montuojuma centrs (NKMC) “Upīte”. Vys ar atkluošonu svātki nasabeigs – tī turpynuosīs vēļ vasalu nedeļu.

Augusta izskaņa Upītis kulturtelpā Bolvu nūvodā sūluos byut dyžan pīpiļdeita ar vysaiduokom kulturys i sporta aktivitatem. Sasazynuojom ar Namaterialuos kulturys montuojuma centra “Upīte” direktoru Andri Slišānu, kurs tymā laikā kūpā ar folklorys kūpys “Upīte” jaunīšim, ar kurim kūpā gastejuši “New Born Kosova festival” Kosovā, beja ceļā iz sātu. Kai stuosta Andris, nu suoku renovacejis dorbu pabeigšona tyka plānuota ituo gods majā, vystik atsakluoja projektā naparadzātys lītys, kurys stypri īkavēja vysus dorbus. “Kod nu ustobys augšys izvuocem vysus izdedžus, atkluojom, ka vairuokys sejis beja suokušys maituotīs. Ākys jumts napaseņ ir maineits cytā projektā, deļtam itymā jumts nabeja paradzāts, mums vajadzēja saudzeigi paceļt asūšū jumtu, nūstyprynuot maituotuos sejis, tys aizjēme ilgu laiku. Vys taipat projekts ir pabeigts gona dreiži,” stuosta NKMC direktors Andris Slišāns.

Kai tys beja īprīšk, ari niu NKMC “Upīte” byus treis strukturvīneibys – biblioteka, Ontona Slišāna muzejs i tautys noms. Kai stuosta Andris Slišāns, leluokuos puorvierteibys byus pīdzeivuojs muzejs, partū ka tam niu byus plotuokys telpys, byus vareiba izvītuot kai pastuoveiguos, tai i maineiguos ekspozicejis, taipoš ir izveiduotys kruojuma telpys ar tom paradzātū klimata kontroli. NKMC “Upīte” dorbojās ari vairuoki bārnu i jaunīšu puļceņu vadeituoji.

“Mums jau da šam beja kvalitativs saturs, vystik tys nabeja šmuki īpakuots, niu ari īpakuojums ir cīši lobs,” tai par NKMC atjaunuošonu izasoka direktors Andris Slišāns.

Kulturys programa Upītē nu 19. da 27. augusta

19. augustā 16 stuņdēs – Namaterialuos kulturys montuojuma centra atkluošonys bankets
18 stuņdēs – Latvejis Nacionaluo teatra izruode “Divas pasaules”
20 stuņdēs – svātku daņči ar folklorys kūpu “Upīte”

Nu 22. da 27. augusta – škārsteikla žurnala “Satori” rodūšuo rakstnīku nūmetne

24. augustā 16 stuņdēs – “Styprūs skriejīņs” komandom

25. augustā 15.30 stuņdēs – Latvejis Leļu teatra izruode “Divi mazi mežonēni”

26. augustā vysys dīnys garumā – Sātys kopejneicys “Stabļovys casnāgs” i “Tuoraga stuosti Zeļčusolā”

27. augustā 18 stuņdēs – “Dirty Deal Teatro” teatra izruode “Pārcēlāja”

Print Friendly, PDF & Email

Kalenders

May
28
Ūtr
18:00 “Pauls un Keišs. Vīrieši labākos... @ Muzykys noms "Daile"
“Pauls un Keišs. Vīrieši labākos... @ Muzykys noms "Daile"
May 28 @ 18:00 – 20:00
Latvīšu estradē, latvīšu teatrūs i Latvejis politiskajā dzeivē ir daudz veirīšu lobuokūs godūs. Iz skotivis byus diveji – vīns nu estradis i džeza, ūtrys nu teatra i kinys pasauļa. Tok – kotrys nu prīšknasumu var[...]
May
29
Tre
18:00 “Pauls un Keišs. Vīrieši labākos... @ Muzykys noms "Daile"
“Pauls un Keišs. Vīrieši labākos... @ Muzykys noms "Daile"
May 29 @ 18:00 – 20:00
Latvīšu estradē, latvīšu teatrūs i Latvejis politiskajā dzeivē ir daudz veirīšu lobuokūs godūs. Iz skotivis byus diveji – vīns nu estradis i džeza, ūtrys nu teatra i kinys pasauļa. Tok – kotrys nu prīšknasumu var[...]
19:00 Grupys “Saucējas” koncerts i daņ... @ Reiga
Grupys “Saucējas” koncerts i daņ... @ Reiga
May 29 @ 19:00 – 21:00
Latvejis Kulturys akademejis tradicionaluos dzīduošonys grupa “Saucējas” trešdiņ, 29. majā, 19.00 aicynoj is koncertu Āgenskolā Pāvula Jurjāna muzykys školys estradē, Bolūžu īlā 24.