Rokstu sagataveja: portals lakuga.lv

Kam ta vēļ nedeļā, kod īkreit Juoņa dīna, vaicuot īsacejumus, ka na pošam Juoņam? Itūreiz svieteit svātkus Vaļču patmalēs, puorvarēt turysma krizi Latgolā ar dzīsmi i nūpierkt beletu iz “Latgolys šmakovkys” dadzynuotovys 10 godu jubilejis festivalu īsoka pats dadzynuotovys saiminīks i ituos nedelis gaviļnīks Juoņs Krivtežs.

Ideja, kai svieteit Juoņa dīnu

Ka vēļ nazini, kur svieteit svātkus, tod ļusteigi pavadeit tūs pi dobys ar lobu muzyku aicynoj Marks Ločmelis i Vaļču patmalis. Īīšona pasuokumā par zīduojumim (10 eiro), byus bolvu izlūze i pīpyušamuos atrakcejis bārnim. Leidza juojam sovs grūzeņš. Gaļdeņu var rezervēt, zvonūt iz itū telefona numeri: 29346242 (Marks)

Ideja, kai saplānuot cytu nedeļgolu

4. julī “Latgolys šmakovys” dadzynuotova Ludzys nūvoda Malnovā svieteis desmit godu jubileju. Pasuokumā pīsadaleis baikeru klubs “Lotigola”, kuri skaiteis Imanta Zieduoņa (Ziedoņa) dzeju i vyzynuos apmaklātuojus, sovpus grupa “Kingi” uzastuos ar lelkoncertu. Beleti iz jubilejis pasuokumu daīmami ITE. Ar beletu pierkšonu navajag kavētīs, kam puora dīnu pyrma pasuokuma tūs tierdznīceiba tiks slāgta i pasuokuma dīnā tūs nūpierkt ari navarēs, partū itūnedeļ ir eistais laiks, lai rezervātu sev vītu festivalā. Īīšonys moksā bez īrūbežuojumu byus īkļauti iedīni i dzierīni. Vysi ījimtī leidzekli tiks izmontuoti “Latgolys šmakovkys” dadzynuotovys pogolma tuoluokai labīkuortuošonai. 

View this post on Instagram

A post shared by Latgolys šmakovka | Malnava | Latgale | Ekskursijas (@latgalessmakovka.lv)

Ideja, kai puorvarēt turysma krizi Latgolā

Īsoku naskumt par tū, kū mes navarim ītekmēt, bet īslēgt itū dzīsmi i turpynuot dareit iz prīšku! Kod ir kaida nalela krize i, par pīmāru, sasamazynoj turystu plyusma, tod ir eistais laiks, lai sakuortuotu sovu pogolmu, saimisteibu, turysma objektu i uzlobuotu sovu pīduovuojumu, lai iz prīšku, kod vyss sasastuos sovuos vītuos, byutu gotovs i konkurētspiejeiguoks. Tū vuica ari ekonomikys gruomotuos – kod ir krize, ekonomiku vajag stimulēt! Mums vajag struoduot vēļ vaira, kod ir krize, tok, ka tei puorīs, tod jau klienti mums liks struoduot.