Rokstu sagataveja: portals lakuga.lv

Itūgod Aglyunys bazilikā Vysusvātuokuos Jaunovys Marijis Dabasūs uzjimšonys svātki byus nu 11. da 15. augusta. Aglyunys bazilika ir Latvejis katuolicisma centrys i pasauļa nūzeimis svātvīta.

Vizeja par bazneicu ar boltim tūrnim

1697. godā Viškovys (niulejuo Aglyuna) muižys eipašneica Eva Justīne Šostovicka (dz. Selicka) ar tūreizejuo Livonejis veiskupa Nikolaja Poplavska (1683–1709) atbolstu aicynuoja Viļnis dominikaņus izveiduot Aglyunā klūsteri i draudzis školu. Muižinīki dominikanim duovuoja zemis eipašumus i apsajēme izceļt bazneicu, klūsteri i nūdrūsynuot atbylstūšus dzeivis apstuokļus divpadsmit dominikaņu tāvim.

1700. godā tyka izcalta pyrmuo kūka bazneica. 1751. godā tū svineigi īsvieteja Livonejis veiskups Jezups Dominiks Puzina (1741–1752), veļtejūt tū Vysusvātuokuos Jaunovys Marijis Dabasūs uzjimšonys gūdam.

1768. godā dominikani suoce ceļt jaunu myura klūsteri i bazneicu īprīškejuos bazneicys vītā (cyti autori roksta par guņsgrāku, tok nav skaidru viesturysku olūtu, kas aplīcynuotu, ka kūka ākys byutu nūdagušys). Vīnlaikus sūpluok bazneicai tyka suokta ari jaunys myura ākys ceļšona klūstera vajadzeibom. 1780. godā niulejuo Aglynys bazilika tyka pabeigta, vys nuokušajūs desmit godūs dominikani tū lobīkuortuoja i izgreznuoja atbiļstūši sovai īcerei – taiseit tū par arhiveiskupa katedrali.

1800. godā jaunū myura bazneicu īsvieteja Mogilevys metropolita paleigveiskups Juoņs Benislavskis Vysusvātuokuos Jaunovys Marijis Dabasūs uzjimšonys gūdam.

Ir sasaglobuojs nūstuosts, ka itymā apvydā kaidai kolpyunei Annai pasaruodejuse Jaunova Marija ar Jezus bārnu. Meitine tū pastuostejuse tāvam Remigijam, kurs, tamā pošā vītā lyudzūtīs, redziejs vizeju: boltu bazneicu ar divejim tūrnim. Itī nūtykumi ari pamudynuojuši ceļt bazneicu Dīvamuotis gūdam. Dreiži piec bazneicys izceļšonys iz tū suoce īt pyrmī svātcelinīki.

1980. godā, atzeimejūt bazneicys 200. jubileju, pavests Juoņs Puovuls II tai pīškeire mozuos bazilikys – “Basilica minoris” – titulu. 1993. godā pavests ari personeigi gasteja bazilikā, sovpus 2018. godā ite beja atbraucs pavests Francisks.

Ari itūgod svātku apmaklātuoju ierteibai ir veiktys izmainis viļcīņu kusteibys maršrutā Reiga–Daugovpiļs. Prūti, 14. augustā ir nūreikuots papyldu viļcīņs Reiga–Aglyuna i 15. augustā papyldu viļcīņs Aglyuna–Reiga. Aktualū viļcīņu kursiešonys grafiku var atrast ITE.

11. augusts – Sliminīkim veļteita dīna

11.00 Rūžukrūņs kūpā ar mariaņu tāvim
12.00 Sv. Mise par sliminīkim pi bazilikys duorza oltora ar veiskupu J. Buli. Dzīduos Rēzeknis Jezus Sirds draudzis kors (vad. N. Sarkane)
15.00 Dīva žāļsirdeibys krūneits kūpā ar mariaņu tāvim
19.00 Vysusvātuokuos Jaunovys Marijis, Latvejis golvonuos aizbiļdnis, Sv. Mise ar prīsteri R. Broku. Dzīduos Ludzys draudzis kors.

12. augusts – Saimem veļteita dīna

11.00 Rūžukrūņs kūpā ar mariaņu tāvim bazilikā voi pi bazilikys duorza oltora
12.00 Sv. Mise par saimem pi bazilikys duorza oltora ar prīsteri St. Prikuli. Dzīduos kors “Totus Tuus” i  Daugovpiļs sv. Pītera kēdēs draudzis kors
15.00 Dīva žāļsirdeibys krūneits kūpā ar mariaņu tāvim
19.00 Vysusvātuokuos Jaunovys Marijis Latvejis golvonuos aizbiļdnis Sv. Mise pi bazilikys duorza oltora ar prīsteri J. R. Doļu. Dzīduos kors “Latgale”.

13. augusts – Mīram veļteituo dīna

11.00 Rūžukrūņs kūpā ar mariaņu tāvim bazilikā voi pi bazilikys duorza oltora
12.00 Vysusvātuokuos Jaunovys Marijis, Latvejis golvonuos aizbiļdnis, Sv. Mise kūpā ar prīsteri M. Klušu pi bazilikys duorza oltora. Dzīduos Neicgaļa draudzis kors (vad. Evelīna Aškeļaneca)
15.00 Dīva žāļsirdeibys krūneits kūpā ar mariaņu tāvim
19.00 Vysusvātuokuos Jaunovys Marijis, Latvejis golvonuos aizbiļdnis, Sv. Mise kūpā ar prīsteri A. Ševeli pi Bazilikys duorza oltora. Dzīduos Modūnis draudzis kors (vad. J. Trūps)
24.00 Vysusvātuokuos Jaunovys Marijis, Latvejis golvonuos aizbiļdnis, Sv. Mise bazilikā kūpā ar prīsteri J. Skuteli.

14. augusts – Svātuo Meinarda, veiskupa i Latvejis ūtruo aizbiļdņa, pīminis dīna

10.00 Sv. Meinarda pīminis dīnys Svātuo Mise kūpā ar prīsteri J. Vīlaku bazilikā. Dzīduos Vydsmuižys draudzis kors
11.00 Rūžukrūņs kūpā ar mariaņu tāvim bazilikā voi pi bazilikys duorza oltora
12.00 Sv. Meinarda pīminis dīnys Svātuo Mise kūpā ar veiskupu A. Kravali pi bazilikys duorza oltora. Dzīduos Daugovpiļs Jezus Sirds draudzis kors
15.00 Dīva žāļsirdeibys krūneits kūpā ar mariaņu tāvim
15.15–17.00 Kateheze bazilikys kriptā
16.00 Sv. Meinarda pīminis dīnys Svātuo Mise kūpā ar prīsteri A. Spruktu bazilikā. Dzīduos Leivuona draudzis kors (vad. Rita Semeiko).

Vysusvātuokuos Jaunovys Marijis Dabasūs uzjimšonys obligatuos svineibys

18.30 Nešpors (vesperis) kūpā ar prīsteri A. Bernānu pi pavesta oltora. Dzīduos Rēzeknis Jezus Sirds draudzis kors “Adoramus”
19.00 Vysusvātuokuos Jaunovys Marijis Dabasūs uzjimšonys svineibu vigilejis Sv. Mise. Īstyprynuošona. Kūpā ar arhiveiskupu metropolitu Z. Stankeviču. Dzīduos Rēzeknis Jezus Sirds draudzis kors “Adoramus”
22.00 Tautys krystaceļš sakralajā laukumā kūpā ar prīsterim R. Stankēviču i J. Skuteli. Dzīduos Latgolys draudžu apvīnuotais kors (vad. Ieva Lazdāne, dirigēs Juta Kondavniece, varganis spieļuos Jacinta Ciganoviča)
23.30 Vysusvātuokuos Jaunovys Marijis Dabasūs uzjimšonys Sv. Mise kūpā ar veiskupu E. Pavlovski i prīsteri I. Medvecki pi pavesta oltora. Dzīduos Preiļu draudzis kors (vad. Ilze Valaine).

15. augusts – Vysusvātuokuos Jaunovys Marijis Dabasūs uzjimšonys obligatuos svineibys

7.00 Vysusvātuokuos Jaunovys Marijis Dabasūs uzjimšonys Sv. Mise latgaliski kūpā ar prīsteri A. Kursīti bazilikā voi pi bazilikys duorza oltora. Dzīduos Rēzeknis Jezus sirds draudzis kors (vad. N. Sarkane)
9.00 Vysusvātuokuos Jaunovys Marijis Dabasūs uzjimšonys svineibu vigilejis Sv. Mise latgaliski. Īstyprynuošona. Kūpā ar veiskupu V. Stulpinu. Dzīduos Aglyunys bazilikys kora školys audziekni (dir. Juta Kondavniece, Inga Agluoniete, varg. Jacinta Ciganoviča)
10.00 Vysusvātuokuos Jaunovys Marijis Dabasūs uzjimšonys Sv. Mise kūpā ar prīsteri A. Lapinski bazilikys kriptā. Dzīduos kors I. Ivanovys vadeibā
11.00 Rūžukrūņs kūpā ar mariaņu tāvim pi pāvesta oltora
12.00 Vysusvātuokuos Jaunovys Marijis Dabasūs uzjimšonys golvonuo Sv. Mise, euharastiskuo proceseja ar Vysusvātuokū sakramentu kūpā ar pavesta syutni Baļtejis vaļstīs arhiveiskupu Georgu Gensvainu, veiskupim i prīsterim. Dzīduos Latgolys draudžu apvīnuotais kors (vad. Ieva Lazdāne, dirigēs Anda Lipska, Juta Kondavniece, Ainārs Kiserovskis, Edgars Znutiņš, varganis spieļuos Jacinta Ciganoviča, instrumentalū grupu vadeis Inga Zeile). Vaļsts himna.
15.00 Svineibu nūslāgums.