3.septembrī teik sasaukta „Latgolys Saeima”
2011.gods 3.septembrī 15:00 st. Arendolis muižā (Vuorkovys nūvods) teik sasaukta bīdreibys „Latgolys Saeima” kūpsapuļce.
Muižys saiminīks ir bīdreibys vaļdes lūceklis Arvids Turlajs, deļ tam visim bīdrim byus vareiba pi reizes tyvuok īsapazeit ar padareitajim restauracejis dorbim i planim par tuoluokū muižys atjaunynuošonu.
Pasuokuma laikā paradzams organizacejā uzjimt jaunus bīdrus, kūpeigi īsapazeit ar bīdreibys sātys lopu škārsteiklā latgolyssaeima.lv – iz prīšku paradzams itū lopu izmontuot kai instrumentu bīdreibys kasdīnys dorbam, savstarpejai saziņai, prīšklykumu izsaceišonai, diskusijom i kūpeigim bolsuojumim par vīna voi ūtra lāmuma pījimšonu.
Kūpsapuļces laikā vaļdes vadeituojs i vaļdes lūcekli snēgs atskotu iz padareitū pusgoda laikā i pastuosteis par planim iz prīšku. Kai ari, lai maksimali īsaisteitu vysus bīdrus kūpeigā dorbā, tod teik planuots pastruoduot ari dorba grupuos i izvirzēt konkretus izmierejamus mierķus, eistermiņa i ilgtermiņa veicamūs uzdevumus tūs sasnīgšonai.
Bīdreiba “Latgolys Saeima” par sovys darbeibys mierkim ir izvirzejuse: sekmēt Latgolys administrativuo regiona izveiduošonu, nūdrūšynuot kvalitativu diskuseju (sabīdriskūs organizaceju, pašvaļdeibu, uzjiemieju, vaļsts īstuožu i cytu īinteresātūs personu vydā), kūpeiga Latgolys redzīņa puorstuovnīceibu, latgalīšu volūdys, kulturys i socialekonomiskūs interešu aizstuoveibu.
Seikuoka informaceja:
Juris Viļums
bīdreibys „Latgolys Saeima” vaļdes vadeituojs
26393531
