TESTS: Juoņa Streiča montuojums
Rokstu sagataveja: portals lakuga.lv
2026. gods 26. septembrī sovu 90. dzimšonys dīnu byutu svietejs kinu režisors, akters, muokslinīks i sabīdryskais darbinīks Juoņs Streičs (Jānis Streičs, 1936–2026). Dīvamžāļ ituo gods pavasarī Streičs nūguoja myužeibā, bet juo svātku dīnai veļteitys nūtikšonys paradzātys kai Latgolā, tai cytur Latvejā (vaira dazynuošonai ITE).
Svātdiņ, 27. septembrī, iz komandu erudicejis kaitu ar sasadzīduošonu “Juoņa Streiča montuojums” aicynoj Latgolys viestnīceiba “Gors” i latgalīšu kulturys kusteiba “Volūda”. Kaitys dalinīkim – komandom treis da pīcu cylvāku sastuovā – pīcuos kuortuos ar vysaidim vaicuojumim i izaicynuojumim byus vareiba puorbaudeit zynuošonys par Juoņa Streiča kinu dorbim, biografejis faktim i laikabīdrim, kinu akterim, gleznom, kinuos skanūšajom dzīsmem i cytim meistara rodūšuos darbeibys celim.
Pasuokuma vadeituojs byus etnomuziks Ēriks Zeps, muzykalū pavadejumu nūdrūsynuos instrumentaluo grupa Mārča Lipska vadeibā, bet sasadzīduošonys prīca skanēs Rēzeknis i Rēzeknis nūvoda koru dzīduotuoju bolsūs.
Lai atguoduotu Juoņa Streiča davumu i pi reizis sasagataveitu nūtikšonai, latgalīšu kulturys ziņu portals lakuga.lv pīduovoj portala skaiteituojim testu par režisora rodūšū darbeibu i biografejis faktim.
Rezultats
#1. Cik kinu režisors ir Juoņs Streičs?
Juoņs Streičs ir 22 kinu režisors. Juo debejis kina “Kapteiņa Enriko pulkstenis” taiseita 1967. godā, bet pādejuo – “Rūdolfa mantojums” uzjimta 2010. godā.
#2. Muokslineica Džemma Skulme par Juoni Streiču ir sacejuse: “Juoņam Streičam ir dobys dūta smolka tonalitatis izjiuta, kū jiut ari _____.” Kaids vuords izlaists citatā?
Muokslineica Džemma Skulme par Juoni Streiču ir sacejuse: “Juoņam Streičam ir dobys dūta smolka tonalitatis izjiuta, kū jiut ari kinuos.”
#3. Beja kinys, kurom Juoņs Streičs skaņu celeņu salyka pats. Taida kina ir ari “Cilvēka bērns”. Kod kinys skaņu celeņš beja gondreiž gotovs, režisors saprota, ka datryukst vēļ koč kuo, i tai davīnuoja dzīsmi “Auga, auga rūžeņa”. Kur jis jū dabuoja?
Dzīsmi “Auga, auga rūžeņa” režisors Juoņs Streičs atroda radejis fonotekys īrokstūs. Kai jis pats sovulaik stuostejs, ka pareizi atguodoj, tod īrokstā jū dzīduojs ansamblis nu Ludzys pusis.
#4. Kai sauc itū Juoņa Streiča gleznu?
Ituos Juoņa Streiča gleznys nūsaukums ir “Pavasaris Preiļupes krastos”. Glezna radeita 2024. godā (audaklys, alejs, akrils, izmāri 50*70 cm).
#5. Juoņs Streičs ir diveju gruomotu autors. Vīna ir “Lāga dvēseļu straumei”, bet ūtrei…
Juoņs Streičs ir diveju gruomotu autors. Vīna ir “Lāga dvēseļu straumei”, bet ūtrei “1991. Tas garais cilvēkbērna gads”.
#6. Kaidys Streiča kinys nūsaukums nūglobuots itamā biļdē?
Biļdē īglobuots kinys “Tikšanās uz Piena ceļa” (1985) nūsaukums.
#7. Kurā nu itūs Latgolys vītu nav fiļmāta kina “Cilvēka bērns”?
Kina “Cilvēka bērns” 1991. godā fiļmāta Rēzeknis, Viļānu i Ludzys apleicīnēs, kai i Reigā.
#8. Kuri kinys “Cilvēka bērns” tāli savīnuoti itamā biļdē?
Biļdē sasateik Bonifācijs i Izidors.
#9. Kaidā 2023. gods video īrokstā Streičs ir sacejs: “Apsazynojit tū, ka latgalīts ir _____. A kas tū nazyna, bess ar jū, lai nūmierst nazynūt! A mes ta zynam.” Kaids vuords/i ir izlaists citatā?
2023. gods video īrokstā Streičs ir sacejs: “Apsazynojit tū, ka latgalīts ir dižciļteiba. A kas tū nazyna, bess ar jū, lai nūmierst nazynūt! A mes ta zynam.” Vysu video var nūsavērt: https://www.facebook.com/watch/?v=903628159079016
#10. Kurūs Preiļu nūvoda kopūs ir Juoņa Streiča myuža sāta?
2026. gods maja suokuos režisors i scenarists tyka paglobuots Preiļu nūvoda Rībeņu pogosta Petrausku kopūs sūpluok sovai mamai i babai.
Komentari