Rokstu sagataveja: portals lakuga.lv

Latgolys regionaluo televizeja (LRT) turpynoj raidejumu cykla “Latgales pūra lāde – atdzimšana II” veiduošonu, kas ir turpynuojums pārņ eistynuotajam projektam. Skateituoji turpynuos īpazeit Latgolys kulturys montuojumu, senejuos tradicejis i cylvākus, kuri tuos sagloboj i nūdūd paaudzem iz prīšku. Projekta laikā tiks sataiseits vēļ vīns televizejis raidejums, kurā atspīgeļuos senejūs tradiceju atjaunuošonu, tūs eistynuotuojus i nūzeimi myusu dīnu sabīdreibā, reizē skaidrojūt ari itūs tradiceju viesturyskū izaceļšonu i skotu iz prīšku.

Trešais raidejums byus veļteits restauracejai i Latgolys kulturviesturyskuo montuojuma saglobuošonai – senejim kuormim, arhitekturys detaļom i muokslys vierteibom, kurūs saglobuošona prosa kai meistaru zynuošonys i prasmis, tai laiku i leidzekļus. Skateituoji varēs īpazeit restauracejis procesu i izzynuot, kai myusu dīnuos teik maklāti rysynuojumi, kab nūzeimeigys Latgolys kulturys montuojuma līceibys saglobuotu ari paaudzem iz prīšku.

Raidejumā skateituoji redzēs Ludzys Nūvodpietnīceibys muzeju, kur teik atjaunuota īvārojamuo Latgolys keramika Polikarpa Vylcāna darbneica. Kūpā ar restauratoru Vilni Gavaru tiks īpazeita kuorma viesture, tuo atjaunošonys process i tradicionaluos byuvnīceibys prasmis. Taipat raidejumā tiks dagrīzta viereiba Ludzys viesturyskajai kūka arhitekturai, tuos rakstureigajom īzeimem i izaicynuojumim, ar kurim daīt sasadūrt, saglobojūt viesturyskūs kuormus myusu dīnuos.

Taipat raidejums gasteis Pasīnis Svātuo Dominika Romys katuoļu bazneicā, kur par kulturviesturyskūs vierteibu saglobuošonu stuosteis draudzis pravests Vitālijs Filipenoks. Godu gaitā bazneicā restaurātys viesturyskuos durovys, gleznys i cytys vierteibys, sovutīs itūšaļt pakuopeniskai plānuoti dorbi pi unikalūs 18. godu symta vargaņu saglobuošonys i restauracejis. Raidejumā tiks atkluots ari Pasīnis klūstera kuorma liktiņs i raudzejumi tū pasorguot nu tuoļuokys īšonys pūstā, paruodūt, cik nūzeimeiga kulturys montuojuma saglobuošonā ir kai finansiejuma pīsaisteišona, tai vītejūs dzeivuotuoju īsasaisteišona. #SIF_MAF2026

Raidejumu cykla “Latgales pūra lāde – atdzimšana II” trešū raidejumu varēs vērtīs jau itū svātdiņ, 27. septembrī, kanalā TV24 16.30 stuņdēs ar atkuortuojumu pyrmūdiņ, 28. septembrī 14.30 i 20.30 stuņdēs, kai ari ReTV kanala vierszemis apraidē Latgolys regionalajā televizejā 28. septembrī 17.30 stuņdēs. Taipat raidejumus var atrast LRT sātyslopā, kai ari vītnēs Facebook, YouTube i platformā xtv.lv.

Raidejuma veiduotuoji gaideis ari jiusu atsauksmis i īsacejumus viestulēs pa postu, adrese: Rēzekne, Piļs īla 4, LV-4601 ar nūruodi Latgolys regionalajai televizejai voi LRT socialūs medeju lopuos, kai ari e-postā lrt.zinas@inbox.lv voi zvonūt/rokstūt iz telefona numeri 26339536.

Projektu finansej Medeju atbolsta fonds nu Latvejis vaļsts budžeta leidzekļu. Par raidejumu cykla “Latgales pūra lāde – atdzimšana II” saturu atbiļd SIA “Latgales reģionālā televīzija”. #SIF_MAF2026

Publikaceju apmoksoj Latgolys regionaluo televizeja