Rokstu sagataveja: portals lakuga.lv

Pi skaiteituoju tics žurnala “A12” oktobra/novembra numers, i tymā var puorskaiteit intervejis ar latgalīšu rokmuziki Sovvaļnīku, gleznuotuoju i pedagogi Ingu Onževu, kimejis tehnologeju zynuotneicu i uzjiemieju Zani Grigali-Soročinu i cytys sarunys i stuostus.

Žurnala “A12”, kas ir vīneigais žurnals, kas viestej par Latgolys ļaudim i jūs stuostim, tuo numera redaktore Helēna Viļuma tuo īvodā roksta: “Mīra i breiveibys telpa nav dūta reizi par vysom reizem. Tei veidojās nu myusu izalaseišonom – kai lelu, tai mozu – nu tuo, voi īsasaistom, kod tys vajadzeigs, voi uzajamom atbiļdeibu, kod tei ir myusu prīškā, i voi spiejam saglobuot ciļvieceibu ari tod, kod redzīni atsaškir. Varbyut taišni par tū itūrudiņ ir vārts padūmuot: kū izalosom i kū ar itū izvēli veidojam tuoļuok.”

Jaunajā žurnala “A12” numerī latgalīšu stuosti par dorbu, kas prosa naatlaideibu, rodūšumu i atbiļdeibu. Zynuotne i uzjiemiejdarbeiba, aizsardzeiba, muoksla i muzyka atsakluoj caur personisku pīredzi i izalaseišonom.

• Vuoka personeiba ir kimejis tehnologeju zynuotneica i uzjiemieja Zane Grigale-Soročina. Jei stuosta par sovu ceļu pietnīceibā, sadarbeibu augstuokuos izgleiteibys i industrejis vydā, kai ari dorbu uzjāmumā “Kinetics Nail Systems” i saimis uzjāmumā “Rasa Botanicals”.

• Zemissardzis 32. kuojnīku bataļjona vacuokais zemissorgs Valdis Kalnejs nu Rykovys atsaver iz dīnastu, kū suocs 1992. godā, i tuo puormejom 35 godu laikā.

• Interveja ar gleznuotuoju i pedagogi Ingu Onževu, kura piec desmit godu pauzis atsagrīž muokslā ar personalizstuodi “Krāsa. Telpa. Elpa.”. Saruna par juos rodūšū ceļu, īdviesmi, kū snāguse Veneceja, i īškejom puormejom.

• Tieļneica, pedagoge i “Miera vietas” autore Krista Zinkeviča doluos pīcuos atziņuos par bārnu rodūšumu, saimis saknem i mīra pylnys vidis nūzeimi. Sarunā ari par veira seņču sātu Vīmyna pusē i tū, kai vide, kurā dzeivojam, ītekmej i bārnus, i pīaugušūs.

• Muziks Ingars Gusāns ci Sovvaļnīks stuosta par jaunū pusakustiskū albumu i latgalīšu muzykys daudzveideibu.

• Komponista Juoņa Ivanova 120. jubilejā vacticeibnīku kulturys pietneica Tatjana Kolosova pietej juo izaceļšonu i saknis Babru sādžā.

Žurnals “A12” izīt sešys reizis godā i turpynoj byut sarunu bīdrys tim, kam svareiga Latgolys kultura, cylvāki i dzeiva dūmuošona. Kab atbaļsteitu žurnala byušonu ari iz prīšku, aicynojam abonēt. Jaunuokū žurnala numeri var nūpierkt (kai digitalā, tai taustomā veidā) ite: a12.lv.