Rokstu sagataveja: portals lakuga.lv

Padole ir nalels cīms Ludzys nūvoda Mežavydu pogostā, tok tys var lapnuotīs ar aktivu vītejū kūpīnu. Lels nūpalns apleicejūs ļaužu kustynuošonā ir padolītei Ilgai Rudovičai, jei ari ituos nedelis kulturys īsacejumu autore. Vysi treis Ilgys īsacejumi saisteiti taišni ar juos pogostu – Padolis jaunuo krysta apmekliešona, Padolis stuostu prezentaceja Raņču bibliotekā, kai ari sveču izstuode Mežavydu bibliotekā.

Jaunuo Padolis krysta apmekliešona oktobrī – Rūžukrūņa mienesī

Oktobris ir tradicionalais Rūžukrūņa mieness, i itys ir eistais laiks, kab māruotu ceļu iz Ludzys nūvoda Mežavydu pogosta Padoli. Ite vītejī ļauds i gosti teik aicynuoti apmeklēt i gūdynuot jaunizveiduotū Padolis krystu, īsvieteitu ituo gods 27. septembrī. Tei ir vīta mīram, puordūmom i klusai lyugšonai rudiņa jutūnē, kas ļaun sajust vītejuos Padolis kūpīnys goreigū spāku i saknis.

Nūvodpietnīceibys materialu prezentaceja “Padoles stāsti: No saknēm līdz spārniem” Raņču bibliotekā

Ka tevi interesej vītejais montuojums i dzymtuos pusis viesture, nūteikti īplānoj vizeiti Raņču bibliotekā 22. oktobrī. Tī nūtiks eipaša nūvodpietnīceibys materialu prezentaceja “Padoles stāsti: No saknēm līdz spārniem”. Tei byus breineiga vareiba caur dokumentim, atmiņom i nūstuostim izzynuot vaira par Padolis ļaužu dzeivi, dzymtom i spāku, kas myus tur pi sakņu i ļaun liduot preteimā nuokūtnei.

Smuordeigūs sveču izstuode Mežavydu bibliotekā

Gaišuokom i jaukuokom rudiņa dīnom vaicoj īdviesmi Mežavydu bibliotekā, kur da 30. oktobra Liene Platā pīduovoj apsavērt juos smuordeigūs sveču izstuodi. Kotra svece ir mozs muokslys dorbs, kas radeits ar mīlesteibu – tuos prīcynoj acs ar kruosom i pīpylda telpu ar pateikamim aromatim.