Atlaidit par tik provokativu vaicuojumu viersrokstā.

Maņ vysa pyrms ir juoprosa pīdūšona, ka nu augusta suokuma LaKuGa.LV ir palykuse naaktivuoka. Leidz tam vys jau ka raudzeju kotru dorba dīnu kaidu vīnu jaunu rokstu portalā davīnuot, bet pādejā laikā vairs navarieju tū paviļkt.

Kai visim labi zynoms i kai ite redzit, breivpruoteigais dorbs navar byut par pamatu ilglaiceigam dorbam i atteisteibai, deļ tam byus juorauga meklēt i atrast otkon jauni ceļi lai ari mozeņa, bet pagaidam leluokuo latgalīšu portala (lobojit, ja klaidūs) atteiteibai.

Lai itei viests nabyutu tikai pasažāluošona, davīnoju video nu vakardīnys Saeimys sēdes, kur diveji troki deputati nu Latgolys sovus zvārastus paceja latgaliski. Itais nūtykums pīvērse plašsazinis leidzekļu, kai ari juristu i politiķu interesi. Tai ka tuoļuok juostruodoj i vysmoz treju godu laikā itys vaicuojums beidzūt ir juoatrysynoj.