13. decembrī 20:00 Reigys klubā NABAKLAB byus vīna nu Latvejis hip-hop skotuvis zynamuokūs i atzeituokūs muziķu – Skuteļa – solo koncerts. Pyrma koncerta iz skotuvis ar jaunom vāsmom pošu sātys urbanajā muzykā nu obom Latvejis pusem īsarass eipašī gosti – „Ausmeņa Records” nu Rēzeknis i Roberts nu Līpuojis.

„Ausmeņu Records” var drūsi saukt par ituo goda latgalīšu muzykys leluokū puorsteigumu. Tim, ka varbyut pyrmuo dzierdiešona, tei ir cylvāku apvīneiba – rēzeknīši, kas ir hip-hop kulturā  – reperi, breakdance doncuotuoji, grafiti muokslinīki, bītmeikeri, dizaineri ci kaidi cyti ļauds, kam ir kaida saisteiba ar itū kulturu i kuri rauga dareit sovu lītu kvalitativi i radūši. Kai jī poši soka – tei ir sova kompaneja bez nūteikta sastuova.

Kai par paradzātū koncertu soka poši rēzeknīši: „Virzīni mes zynom: Reiga ir aiz Varakļuonim!” – iz tīni tod jī ari teis.

Īeja klubā nu 19:00, koncerta suokys 20:00, īejis moksa 3,00 Ls. Iz pasuocīni nav vacuma īrūbežuojuma.

„Ausmeņa Records” īlyugums iz 13. decembra koncertu