Latvejis Petroglifu centrs par 2013. goda geologiskū objektu ir izavieliejs Styglovys atsagumus, kas atsarūn Viļakys nūvoda Škilbānu pogostā. Goda geologiskū objektu Latvejis Petroglifu centrs nominej jau sastū godu, i pyrmū reizi izvālāts objekts nu Latgolys.

Styglovys atsagumi (Styglovys grova) ir geologiskais dobys pīmineklis – eipaši aizsorgojama dobys teritoreja, kas izveiduota, lai saglobuotu smiļšakmiņa atsagumus. Teritoreja atsarūn Austrumlatvejis zemīnē, Styglovys upis krostūs.
Styglovys krostūs atsagtī sleipsluoņuotī devona smiļšakmiņi ir veiduojušīs iudiņa straumu ītekmē saklys jiurys apstuokļūs pyrms aptuveni 375 miljonim godu.
Paradzams, ka pasuokumu gaitā, kas byus veļteiti goda geologiskajam objektam, Styglovys atsagumus apmeklēs i pieteis geologi i cyti specialisti i par tim tiks īgiuta jauna zynuotniska informaceja.
1996. godā teritorejā tyka izveiduots dobys līgums, bet nu 2004. goda tei ir „Natura, 2000” Eiropys aizsorgojamā teritorejā.
Interesenti var apsavērt ari apmāram 4 m dziļū olu i natuoli asūšū Styglovys dižakmini.

Karteņā seminara „Roksti!” dalinīki pi Styglovys olys 2012. goda julī

Kartenis: E. Husare
Ziņu sagataveja: LaKuGa