Video konkurss “Latgaliskais tevī i pasaulī” pagarynuots leidz ituo goda 15. martam.

Konkursa mierkis ir aicynuot ikvīnu jaunīti latgaliskuos vierteibys saskateit sovā kasdīnā i pasavērt iz jom nu natradicionala i naīrosta skotu punkta, lauzt leidzšinejūs stereotipus par Latgolu, latgalīšim i latgaliskū. Īmyužynuot ituos vierteibys i kulturzeimis video i paruodeit puorejai Latvejai i ari pasauļam.

Konkursa tema ir „Latgaliskais tevī i pasaulī”, kuru ikvīns konkursa dalinīks var interpretēt piec sovu īskotu, paruodūt, kur jis kasdīnā redz latgaliskū. Sovukuort latgaliskais ir na tikai Latgolā, bet sevkurā Latvejis i pasauļa vītā, kur viņ cylvāks apsazynoj sovu pīdereibu latgalīšim i Latgolai voi ari, nabyudams latgalīts, saskota tuos unikalitati i daudzveideibu.

Konkursa golvonuo bolva ir duovonu karte 200 Ls vierteibā elektronikys preču veikalā, kuru sajims žurejis nūteiktais uzvarātuojs. Sovukuort 3 skateituoju favoriti sajims veicynuošonys bolvys.

Vaira informacejis par konkursu nūlykumā