Ir zynomi rezultati Nacionaluos elektroniskūs plošsazinis leidzekļu padūmis izsludynuotajūs konkursūs par radejis i televizejis raidejumu veiduošonu Latgolys regionalajūs i vītejūs plošsazinis leidzekļūs.

Konkursā par radejis raidejumu veiduošonu 2013. godā pīteikumus beja īsnīguši SIA „Lietišķā Latgale” i SIA „MG Latgolas Bolss”, par uzvarātuoju tyka atzeita „Lietišķā Latgale”. Bet konkursā par televizejis raidejumu veiduošonu itamā godā pīteikumu beja īsnīguši SIA „Dautkom TV” i SIA „Latgales reģionālā televīzija”. Itamā konkursā NEPLP nūlēme napīškiert uzvaru nivīnam konkursa dalinīkam, partū ka nivīns nu pīduovuojumu nabeja pīteikami detalizātai izstruoduots.

Konkursu mierkis ir sabīdreibys salīdiešona, nacionaluos identitatis i vaļsts volūdys poziceju nūstyprynuošonys pasuokumu eistynuošona, lai panuoktu Latvejis identitatis i pīdereibys sajiutys styprynuošonu caur regionaluos i vītejuos identitatis apsazynuošonu i veicynuošonu, itamā procesā īsaistūt Latgolys regiona puorstuovus kai medeju satura veiduotuojus i izplateituojus.

Ziņu sagataveja: LaKuGa