20. aprelī ar izruodem Reigā gasteis Baļtinovys dramatiskais kolektivs „Palādas” i ruodeis izruodi „Ontans i rodne”. Ka gribi tikt iz izruodi par breivu, pīsadoli konkursā! 

Pi Annys nagaideitai atbrauc gostūs juos muosa Ļuce, kuruo pyrms 15 godu gribēja atjimt muosai kūpeigū montuojumu.   Jei ir slyma i nabadzeiga, grib atgiut veseleibu lauku svaigajā gaisā, tik na vyss ir tai, kai izaver. Ir taids sokomvuords „Īlaid vuti kažukā, uorā nadabuosi”, i Ontans rauga dabuot uorā tū „vuti” nu kažuka. Kai vysod – Ontans rauga ar dažaidim pajiemīnim i puorbaudeitom metodem, bet naveiksmeigai. Gols golā vysu izškir gadejums ci tai sauktais „Dīva pierksts”.

Deļtuo LaKuGa vaicoj – kaids tod izaver tys “Dīva pierksts”? Kai piec Tovom dūmom Ontons i Anne tīk vaļā nu navālomūs gostu? Ite Tev var paleidzēt iztēle voi realuo dzeivis pīredze.

Gaideisim Tovu ideju, kai dabuot nu sātys nagrybātus gostus!