Dzīdi sovai piļsātai
2012. goda janvarī, februarī i martā Latvejis piļsātuos nūtiks jauns, kūšs i puorsteidzūšs koncertšovs “Dzīdi sovai piļsātai”, kurymā pīsadaleit aicynuoti piļsātys i nūvoda īdzeivuotuoji – dzīdūšī školuotuoji, deputati, izjiemieji, pensionari, gaideits byus sevkurs!
Latgolā koncertsšovs paradzāts Bolvūs i Leivuonūs.
Iz atlasi Leivuonūs interesenti teik aicynuoti 28. janvarī 11:00, bet Bolvūs – 29. janvarī 11:00.
Interesantuokī i kūšuokī koncertšova pretendenti izsuoks sovu prīšknasumu sagataveišonu izvadumam “Dzīdi sovai piļsātai”. Dalinīkim sovus prīšknasumus byus vareiba sagataveit profesionalu muziķu i vokalūs pedagogu vadeibā. Koncertšova dalinīki izastuos dzeivajā izpiļdejumā – instrumentaluos grupys pavadejumā.
Koncertšovu kluotīnē ar skaneigom dzīsmem, veseleigu humoru i puorsteidzūšim prīšknasumim byus vareiba vāruot sevkuram piļsātys i nūvoda īdzeivuotuojam.
Pasuocīni vadeis i ar sovu kluotbyutni kuplynuos aktrise i napuorspiejamuo humoriste – Jolanda Suvorova, kura sūlej dzīsmis, dejis, humoru puorsteidzūšūs prīšknasumūs.
Pīsadoli, prīcej piļsātu i nūvodu i par kū gon nadzīduot kaidu dzīsmi latgaliski?!
Koncertšovs “Dzīdi sovai piļsātai” – Bolvūs 24.02. 19:00 Bolvu Kulturys i atpyutys centrā
Vaira par projektu: www.dziedisavaipilsetai.lv
