28. majā 19:00 Reigys Dūmā byus vokaluos grupys „Latvian Voices” koncerts „Rūtoj…”. Vokaluos grupys repertuarā sovu vītu atrodušys ari dzīsmis latgaliski.

Tautysdzīsme ir myusu tautys leluokais kulturviesturiskais montuojums i vierteiba, kas īdvasmuojuse a capella vokalū grupu „Lavian Voices” aranžēt tautys melodejis, kai ari myusu dīnu pop i džeza muzykys intonacejis, vokaluo grupa ir sataisejuse sev rakstureigu dzīduošonys manīri i stilu, kas papyldynuots ar horeografeju i telpys akustiskajom īspiejom. Koncertā „Rūtoj…”, „Latvian Voices” klauseituojim pīduovuos unikalu pyrmatskaņuojumu Laurys Jēkabsonis „Etnos Mesai”, kas sūpluok dzīduošonai paspilgtynuots ar Laimys Jansonis kūklis spēlis improvizaceju, body percussion i horeografeju.

Laura Jēkabsone, kura ir vokaluos grupys muokslenīciskuo vadeituoja, ir aranžeju autore leluokajai daļai grupys repertuara dzīšmu. Laura pa dzimšonai ir nu Bolvu nūvoda Tilžys.

Biletus iz koncertu var nūpierkt Reigys Dūma kasē i www.ekase.lv nu 1. maja. Biletu cena ir 7 lati, školānim i pensionarim 5 lati.

Vysi ījāmumi nu koncerta tiks nūvirzeiti Reigys Dūma jaunuos vitražys sataiseišonai.

Sagataveja: LaKuGa