Sastdiņ, 18. majā, nu 19:00 leidz 01:00 Dekorativuos muokslys i dizaina muzejā nūtiks storptautiskuo akceja „Muzeju nakts 2013”, kurys ituo goda tema ir „zaļuo kruosa – mežs”. Māra Maskalāna personalizstuode „Nagļi. LV 4631” kai nūtykums ir īkļauta eipašajā Muzeju nakts programmā, partū ka ari Nagļu cīmatu īskaun breineiguo Latgolys doba, tuos vitaluo energeja paleidz dzeivuot i puorvarēt gryuteibys. Dekorativuos muokslys i dizaina muzejā Muzeju nakts pasuokuma devize ir „Latgale ciemojas Rīgā”, par tū izstuodē kai eipašī gosti ar prīšknasumim uzastuos Nagļu cīmata Tautys noma pošdarbeibys kolektivi. Papyldus muzeja apmaklātuojim byus īspieja dūtīs iz spieļu ustobu „Ieraugi mežu muzejā”, kur varēs pieteit, vērtīs i saleidzynuot, kai mežs izaver dobā i muokslinīku dorbūs. Bet pi informativuo stenda „Kas notiek muzejā?” apmaklātuoji varēs puorsalīcynuot, ka muzejā nūteik daudz vairuok, nakai varim īsadūmuot.