Žurnala “A12” juņa/juļa numera tema ir Saule. Kotram mums ir vīna saule – poša sirds. Saulgrīžūs leluo Saule sasavīnoj ar sauli myusu sirdī i nūnuokam saskaņā ar sevi i dobu.
Kotram žurnala varūņam saule ir sovaižuoka, bet vysim vitala sirdspuorlīceiba ir tys, kū pretstateit pasauļa absurdam. Gondarejums uorsta dorbā pret zaudātim dzeivis godim Saeimys sasaukumūs kuodreizejuo Rēzeknis slimineicys golvonuo uorsta Jura Vidiņa atkluosmē. Omotnīka Gata Lucjanova rodūšums pret lelražuotuoju strategeju. Bet voi autentiski izstruoduojumi ar pīvīnuotu emocionalū vierteibu byus pīpraseiti Latvejā? Reportaža par vīnu jau zaudātu autentisku ražūtni – Leivuona stykla fabriku. Kuodreizejuo Latgolys zeimūla viesturiskuo ekspoziceja atkluota Latgolys Muokslys i amatnīceibys centrā. Te kotram stykla traukam ir sovs saulis apspeidāts viestejums. Bet par Juoņu svieteišonu i dzeivis prīcu stuosta vīns nu pazeistamuokajim Latvejis Juonim – kinorežisors Juoņs Streičs.