Itymā sastdīnē Vileks nūvoda Upeite aicynoj gostūs, tī nūtiks svātki, i ituo goda tema ir saime.

Svātki suoksīs 12 stuņdēs ar aktivitatem dažaidim vacumim i gaumem. Ap 16:00 nūtiks Upeitis bibliotekys sešdesmit godu jubilejai veļteits koncerts, bet 17:00 sovu koncertu „Mīlestībai” snīgs Varis Vētra.

Taipat cīma īdzeivuotuoji ir aicynuoti pīsadaleit izstuodis „Muns dvors – muna muiža” veiduošonā. Upeitis bibliotekā leidz 16. augustam tiks gaideiti rodūšī dorbi, kuri piec tam tiks izstuodeiti. Tī var byut izpiļdeiti dažaiduos tehnikuos – austi, zeimāti, leimāti, šyuti ci kai cytaiži taiseiti.

Vokorpusē, 21:00, gaidomys atraktivuokys i aktivuokys izklaidis – nakts trase.

Leidz reita gaismai ballēt varēs kūpā ar grupu „Medņevas juniori”.

Iz vysim pasuokumim īeja bez moksys.

Karteņa: E. Husare
Ziņu sagataveja: LaKuGa