Latgolys viestnīceibā „Gors” nu 18. septembra leidz 9. oktobrim byus apsaverama Ivetys Vaivodis fotografeju izstuode „Klēpis”. 

Kai stuosta poša fotografe, pyrms divejim godim jei braukuse iz sovys babys Antoninys cīmatu Piļcini Latgolā, lai atrostu tū mītiskū vītu, kuru izatāluojuse, pietejūt juos jauneibys dīnu biļdis. Īpazeistūt Piļcinis cīma ļauds, fotografi puorjāmušs sviežnys sajiutys. Lai ari pavysam sveši, itymūs cylvākūs Iveta atpazyna koč kū cīši tyvu, bet niu jau aizmierstu – sovys saimis sīvītis. Autore soka: „Eipaši reizēs, kod Anna mani vokorūs klusi aicynuoja klauseitūs bišu dzīduošonā ci stuosteja nabeidzami garūs stuostus par sovu paguotni.” „Apstaigojūt Piļcinis i tyvumā asūšūs cīmatu ceļus, es varieju atsagrīzt sovā i, īspiejams, ari sovys muotis bierneibā, kur kotram cylvākam ir ari sova smarža, bet tikkū izslauktu pīnu vysod dzer syltu.”

Ivetys dorbs pīsavierš atpakaļ vēršonuos idejai kai fotosereju formejūšam modelim. Meklejūt sovys saimis pādejuos līceibys, fotografe meklēja cylvākus, kuri koč kod beja pazynušs juos babu, piļcinīšu stuosti Ivetai atkluoja seņ zudušu pasauli.

Ziņu sagataveja: LaKuGa piec viestnīceibys „Gors” snīgtuos informacejis
Karteņa: publicitatis foto