Sastdiņ, 15. februarī, plkst. 16.00 Daugovpiļs nūvoda Kulturys centrā (Dūbelis ūļneicā 30) nūtiks jauktuo kora “Latgale” 50 godu jubilejis koncerts.

Kors darbeibu suoce 1964. goda 8. februarī Daugovpiļs rajona kulturys nomā.Pyrmī kora dirigenti beja Marjans Margevičs, Gatis Ozoliņš, Skaidrīte Ērliha. 22 godus kora dirigente beja Vyspuorejūs latvīšu Dzīšmusvātku gūda viersdirigente Terēzija Broka, bet 2001. godā par kora dirigenti palyka juos audziekne Anita Zarāne.

Sovā pastuoveišonys laikā kors ir pīsadalejs vysūs Vyspuorejūs latvīšu Dzīšmusvātkūs, Latgolys nūvoda Dzīšmusvātkūs, Baļtejis i Zīmeļvaļstu Dzīšmusvātkūs Zvīdrejā, Norvegejā i Lītuvā, kai ari puorstuoviejs Daugovpiļs nūvodu Igaunejā, Boltkrīvejā, Krīvejā, Armenejā, Bulgarejā i Slovakejā.

15. februara koncertā byus īspieja dzierdēt na tikai Dzīšmusvātku repetruara dzīsmis, bet ari myusu dīnu latgalīšu komponistu dzīsmis, tautysdzīsmis i gareiguos dzīsmis.

Īeja breiva