Bolvūs nūtiks storptautiskais tautys deju festivals “Eima, eima!”
Nu 4. leidz 6. juļam Bolvūs jau trešū reizi nūtiks Storptautiskais tautys deju festivals “Eima, eima!”, kurā pīsadola deju kolektivi nu Bolvu, Baļtinovys, Viļakys, Ruguoju nūvodim, gosti nu Nīderlandis, Norvegejis, Boltkrīvejis, Pūlejis, Reigys VEF TDA “Dardedze” i senioru deju kūpa “Krustpilietis” nu Jākubpiļs.
Sevkurs dejis cīneituojs teik aicynuots baudeit festivala meistarklasi i koncertus!
Festivala programā:
4. julī nu 12.00 flamenko meistarklase Bolvu Kulturys i atpyutys centrā. Pasnīdzieja Tonje Lieberg nu Oslo (Norvegeja). Īprīkšieja dasasaceišona.
4. julī 19.00 Sasadoncuošona Ruguoju nūvoda estradē.
5. julī 15.00 Izbraukuma koncerti Veiksnys pogostā i Bolvu pansionatā.
5. julī 19.00 Lelkoncerts “Es nedēļu izdejoju!” Bolvu piļsātys estradē.
5. julī 22.00 Bals Bolvu piļsātys parkā. Muzicej grupa “Kontrasts”.
6. julī 14.00 Sasadoncuošona Viļakys piļsātys estradē.
Pasuokumu organizej Bolvu Kulturys i atpyutys centrs, atbolsta Bolvu, Viļakys, Ruguoju nūvoda pošvaļdeibys, Vaļsts Kulturkapitala fonds, Latgolys regiona atteisteibys agentura i A/S Latvejis vaļsts meži.
