Tyvojūtīs mīlesteibys aiļu i dzīšmu festivalam “Upītes Uobeļduorzs”, latgalīšu grupa “Krampis” ir īrakstejuši dzīsmi ar festivala tāva Ontona Slišāna vuordim “Nūlīku, muot”.

Dzīsme nav pavysam jauna, tei radeita jau pyrma kaida laika i grupys muzykys klauseituoji nūteikti tū jau ir dzierdējuši koncertūs, nu niu tei beidzūt ir ari īraksteita. Kai soka poša grupa, vysim dalinīkim itei dzīsme cīši pateik, partū “Krampis” jū parosti spielej vysuos uzstuošonuos reizēs.

Muzyku ir sacerējuši grupys puiši. Par vuordim ir pajimts Ontona Slišāna dzejūļs “Sorkonu…”, kuru dzejnīks beja veļtejs sovai muotei.

“Nūlīku, muot” ir saraksteita speciali festivalam “Upītes Uobeļduorzs”, partū ari izvālāts dzīsmi publiskuot taišni pyrma ituogods festivala i veļteit tū Ontona Slišāna pīmiņai.

Karteņa: nu LaKuGys arhiva (autore: Edeite Husare)