14. februari vysā pasaulī svietej kai Mīlesteibys svātkus. Tymā dīnā 21 stuņdē vokorā iz mīlesteibys dzīšmu programu Daugpilī, restoranā „Pavarotti” (Reigys īlā 61) aicynoj Laura Bicāne i Romāns Sladzis, kurus LaKuGys skaiteituoji varātu zynuot jau nu Eirovizejis Nacionaluos atlasis pusfinalim.

Laura i Romāns pīduovuos mīlesteibys dzīšmu programu „Love songs” – koč ari vaira skanēs dzīsmis angļu volūdā, kūpā mīlesteiba tiks izdzīduota sešuos volūduos: skanēs dzīsmis ari franču, krīvu, latvīšu, vuocu i latgalīšu volūduos. Kai soka Laura – pa drusceņai nu kotrys!

Īeja iz dzīšmu programu bez moksys, nu pi laika juodasoka gaļdeni.

Laura i Romāns “Freakin’ out”