Latgolā ar koncertim gastēs Kārlis Kazāks
27. i 28. decembrī ar muzykalom sasatikšonys stuņdem pīcuos vītuos Latgolā gastēs dzīsminīks Kārlis Kazāks.
27. decembrī
15.00 Eversmuižys Sv. Andreja bazneicā Cyblā
17.00 Mērdzinis kulturys nomā
19.00 Malnovā
28. decembrī
11.00 Škilbanu socialuos apryupes sātā Rekovā
13.00 Upītes Tautys nomā
Īīšona iz vysim koncertim ir bez moksys.
Kārlis Kazāks ir muzikis, dzīsminīks, ceļuotuojs, komponists, kas pādejūs godu laikā arviņ vaira sateikams ari Latgolys pusē. Īsadvesmojūt nu Birutys Ūzulenis, atrads ceļu pi latgalīšu tautysdzīsmem, nu ituo goda festivalā “Upītes Uobeļduorzs” pyrmū reizi izskanieja ari divejis, eipaši komponātys K. Kazāka dzīsmis ar Ontona Slišāna vuordim.
Goda beigu svātku laikā 27. i 28. decembrī Kārlis gastēs Latgolā, diveju dīnu laikā snēgs pīcus koncertus, kab vīnkuorši īprīcynuotu Latgolys pusis ļauds i dzimšonys dīnys datumā atguoduotu ari Ontonu Slišānu.
