Da 12. janvara var dasaceit pretendentus Latgalīšu kulturys goda bolvai “Boņuks 2014”. Itūgod bolvys padūs jau septeitū reizi, tei ir vīneiguo bolva, kas eipaši izceļ i gūdynoj sasnāgumus latgalīšu kulturys dzeivē.

Latgalīšu kulturys goda bolvys “Boņuks” mierkis ir veicynuot latgalīšu kulturvidis saglobuošonu i atteisteibu, kai ari apkūpuot i gūdynuot spūdruokūs i nūzeimeiguokūs sasnāgumus latgalīšu kulturā pārnejuo goda grīzumā. Pretendentus var dasaceit 20 nominacejuos, kas skar sabīdryskuos aktivitatis, muzykys i literaturys sferys.

Nominaceju dasacejumus da 15. janvara var īsyuteit elektroniski (pa adresam bonuks@rezekne.lv ci elektroniski škārsteiklā), kai ari syutūt pa postam (posta štempeļs 12. janvars): Dasacejums Latgalīšu kulturys goda bolvai „Boņuks 2014”, Latgolys viestnīceiba GORS, Piļs īla 4, Rēzekne, LV 4601, Latveja.

Škārsteiklā anketu var aizpiļdeit vītnē Boņuks2014.

Nūlykums i vaira dazynuošonys latgalesgors.lv.

“Boņuka” sajiemieji tiks paziņuoti svineigajā bolvu padūšonys ceremonejā Latgolys viestnīceibā GORS 2015. goda 22. februarī.