Rēzeknis Tautys teatris īstudiejs komedeju latgaliski ar dzīduošonu i doncuošonu – Broņislava Vaļpītra „Patentēts inteliģents jeb kai Mikeļs precētīs gribēja”. Izruode nūtiks 22. janvārī 18 stuņdēs Rēzeknis Kulturys nomā.

Kū lai īsuok Mikeļs, kurs tik cīši gryb precētīs, nu izradzātuo ir cīma smolkuokuo mārga i par preciešonūs nimoz nadūmoj. Školys saimineica zyna saceit, ja preciešūtīs, tod tikai ar „inteliģentu personu”. Par paleigim i padūmdeviejim naivajam i paslynkajam, nu uzniemeigajam lauku puišam dasasoka gon Pabiru partejis vītejuos nūdali dybynuotuojs Misiņa kungs,gon veiklī tierguotuoji Abrams ar kundzi, gon cyti lobvieli.

Režeja – Māra Zaļaiskalns. Lūmuos: Oskars Lustiks, Vija Dikule, Ināra Apele, Daina Sprice, Aldis Leidums, Guntars Kozlovskis, Kaspars Balodis, Ilmārs Deļs, Pīters Daugulis, Linda Lonska, Marts Dreļs, Armands Rancāns, Sandra Juste, Dace Visocka, Rasa Deksne.

Īejis moksa 3,00 eiro; školānim, studentim i pensionarim – 2,50 eiro.
Karteņa: rezekne.lv