4. martā 17.00 Latgolys Centraluo biblioteka (Daugovpilī, Reigys īlā 22) aicynoj interesentus iz rodūšū tikšonūs ar muziki, rokgrupys “Dabasu Durovys” solistu Arni Slobožaninu.

Pasuokuma apmaklātuojim teik sūleita unikala vareiba sasatikt ar interesantu i rodūšu skotuvis muokslinīku – grupys “Dabasu Durovys” solistu Arni Slobožaninu. Vokora laikā grupys līders stuosteis par sovim sasnāgumim muzykā, par sovu rodūšū darbeibu i nuokūtnis planim. Vysim interesentim byus vareiba aizdūt vaicuojumus i pasuokuma beiguos sajimt muzika autografu.

Grupa “Dabasu Durovys” ir dybynuota Daugovpilī 2006. godā. Izpylda muzyku pamatā latgalīšu, kai ari latvīšu i angļu volūdā, aktivai pīsadola vysaidūs konkursūs i muzykys festivalūs, ir vairuokkuort nomināta Latvejis Muzykys īrokstu goda bolvai i veiksmeigi startējuse Latvejis Radejis 2 dzīšmu aptaujā “Muzikālā Banka”. Nu 2008. goda grupai ir izdūti treis albumi – “Lepetnīks” (2008), “Styklu Vītā Skaņa” (2012) i “Bāka” (2014).

Tikšonuos ar grupys “Dabasu Durovys” līderi Arni Slobožaninu nūtiks LCB Periodikys laseitovā (3. stuovā).

Latgolys viestnīceibys GORS publicitatis foto nu Latgalīšu kulturys goda bolvys “Boņuks 2014” padūšonys ceremonejis