Parkū iz Dagdys kinoteatra vys vēļ ir uzroksts “Komjaunietis”, kai Ludzai tik ilgi izadevs nūsorguot sovu kinoteatri i cik daudz tūpūšūs “Boņuku” nazkod puļciejuos Rēzeknis “Zīmeļbluozmā” iz atlasi kinai “Cylvāka bārns”? Par Latgolys kino dzeivi stuosta Teņs Bikovskis.

Dace Dambe pietej, kas mainiejīs Latgolys pīrūbežā – Kuorsovys nūvoda Saļņovā, kur jau vaira nakai četrus godus iz piļsātu ar autobusu var aizbraukt tik vīnu reizi nedeļā. Leidzeigys problemys ari cytur, par pīmāru, da Indrys pogosta nu Kruoslovys ar autobusu vyspuor navar aizbraukt, nu tyvuokuos pīturys da dzeivisvītai Indrā juoīt 10 km kuojom.

Sabīdryskuo transporta tematu vuordineicā turpynoj Valentins Lukaševičs i Arņs Slobožanins. Izaruod, ka pīturys aba nūstuošonys latgalīšu volūdā ir bejušys vēļ pyrma sabīdryskuo transporta.

Raidejumu klausīs ite.