Latgalīšu kulturys gazeta soka lelu paļdis vysim, kas atsasaukušs gazetys aicynuojumam ci poši nu breiva pruota īsyutiejušs kaidus rokstus gazetys informacejis papyldynuošonai i sabīdreibys informeišonai par nūtykumim i kulturys dzeivi Latgolā i ap latgalīšim cytur.

Koč ari īspiejis pagaidom nav cīši lelys, nu gribim par itim dorbim saceit taidu kai paļdis, deļ tuo nu marta aicynojom syuteit rokstus par nūtykumim, pasuocīnim, cylvākim, viesturi  i vēļ, i vēļ par vysu, kas varātu byut dereigs i īdereigs LaKuGā, preteimā duovynojūt īspieju īsapierkt bīdreibys „Latgolys Studentu centrs” latgalīšu gruomotu, muzykys īrokstu i suveniru goldā.

Jauna mieneša suokumā tiks apbolvuos 1-3 lobuokī, speciali LaKuGai sagataveitī i īsyuteitī roksti, kas sajims duovonu kartis īsapierkšonai gruomotu goldā 5-10 latu vierteibā. Lobuokūs rokstus mieneša beiguos nūsaceis LaKuGys skaiteituoji ar bolsuojuma paleigu.

Rokstus i vysaiža cytaiža veida informaceju par Latgolys i latgalīšu kulturu gaideisim iz e-posta kasteiti info@lakuga.lv